Director Sandeep Raj Engagement : 'కలర్ ఫొటో' ఫేమ్ డైరెక్టర్ సందీప్ రాజ్ త్వరలో ఓ ఇంటివాడు కానున్నాడు. టాలీవుడ్ నటి చాందినీ రావుతో తాజాగా ఆయన నిశ్చితార్థం సోమవారం జరిగింది. అయితే ఈ ఎంగేజ్మెంట్ విశాఖపట్నంలో జరిగినట్టు తెలుస్తోంది ఇక ఈ వేడుకకు సంబంధించిన కొన్ని ఫొటోలు ప్రస్తుతం నెట్టింట తెగ ట్రెండ్ అవుతుండగా, అభిమానులు నెటిజన్లు ఈ ఇద్దరికీ శుభాకాంక్షలు తెలుపుతున్నారు.
ఇదిలా ఉండగా, డిసెంబరు ఫస్ట్ వీక్లో ఈ జంట వివాహం చేసుకోనున్నట్టు సమాచారం. 'కలర్ ఫొటో' సినిమాలో చాందినీ రావు ఓ పాత్ర పోషించారు. ఆ సినిమా షూటింగ్ సమయంలోనే ఈ ఇద్దరి మధ్య పరిచయం కాస్త ప్రేమగా మారింది. ఇక కొంతకాలం తర్వాత ఈ జంట పెద్దల అంగీకారంతో ఒక్కటి కానున్నారు. ఇక 'హెడ్స్ అండ్ టేల్స్' అనే వెబ్‌సిరీస్‌లోనూ చాందిని నటించారు.
Congratulations to Director #SandeepRaj and actress #ChandiniRao on their engagement@SandeepRaaaj pic.twitter.com/2izl7ZDGVa
— Teju PRO (@Teju_PRO) November 12, 2024
Sandeep Raj Movies : షార్ట్ ఫిల్మ్స్ నుంచి సందీప్ రాజ్ సినీ జర్నీ మొదలైంది. 'హెడ్స్ అండ్ టేల్స్' వెబ్ సిరీస్తో పాటు 'ముఖ చిత్రం' సినిమాలకు కథలు అందించారు సందీప్. 'కలర్ ఫొటో' సినిమాతో ఆయన ప్రతిష్టాత్మక నేషనల్ అవార్డును సొంతం చేసుకున్నారు. ఉత్తమ తెలుగు చిత్రం విభాగంలో ఆయనకు ఈ జాతీయ పురస్కారం లభించింది.
ఇక సందీప్ ప్రస్తుతం రాజీవ్‌ కనకాల తనయుడు రోషన్‌ లీడ్ రోల్లో 'మోగ్లీ' అనే సినిమాను తెరకెక్కిస్తున్నారు. దీంతో పాటు మాస్ మహారాజా రవితేజ హీరోగా ఓ సినిమా చేసేందుకు సిద్ధమైనట్లు ఆ మధ్య వార్తలు వచ్చాయి. ఇవే కాకుండా మరికొన్ని కథలు కూడా ఆయన దగ్గర ఉన్నాయట. 2025లో ఆయన కొత్త సినిమా సెట్స్పైకి వెళ్లే అవకాశం ఉన్నట్లు సినీ వర్గాల సమాచారం.
ఆ స్టార్స్ లిస్ట్లోకి సందీప్, చాందినీ!
ఇప్పటి వరకూ వివాహ బంధంతో ఒక్కటైన దర్శకుడు - హీరోయిన్ల లిస్ట్లో కృష్ణవంశీ - రమ్యకృష్ణ, గోల్డెన్ బెహల్ - సోనాలి బింద్రేలా ఉండగా, ఇప్పుడు ఈ జాబితాలోకి సందీప్, చాందినీ చేరనున్నారు.
డైరెక్టర్ సందీప్రాజ్ భావోద్వేగం.. రాష్ట్రపతి చేతులు మీదుగా జాతీయ పురస్కారం
'ఆ చిత్రంలో లాగే నేనూ అవమానాలు పడ్డా.. హీరో కావాలనుకొని డైరెక్టర్నయ్యా'
