Bharateeyudu 2 Trims 20 Minutes : కమల్హాసన్ హీరోగా శంకర్ దర్శకత్వంలో తెరకెక్కిన 'భారతీయుడు 2' రీసెంట్గా రిలీజైంది. చాలా మంది నుంచి మిక్స్డ్ రివ్యూ వినిపిస్తోంది. అయితే ఈ రివ్యూలు కలెక్షన్స్పై భారీగా ఎఫెక్ట్ పడే అవకాశం ఉన్నందున మూవీటీమ్ ఒక కీలక నిర్ణయం తీసుకున్నట్లుగా తెలుస్తోంది. అదేంటంటే ఇప్పటివరకు ఈ సినిమాకు సంబంధించి మూడు గంటల నిడివి ఉంది.
అయితే అంతసేపు ప్రేక్షకులకు లాగ్ ఫీలింగ్ కలుగుతుందేమోనని భావించి ఇప్పుడు దానిని ట్రిమ్ చేసినట్లు టాక్ వినిపిస్తోంది. 20 నిమిషాల ఫుటేజ్ ట్రిమ్ చేసినట్లుగా సమాచారం. అలా ట్రిమ్ చేసిన కట్తోనే షోలు నడుస్తున్నట్లుగా తెలిసింది. మరో ఆసక్తికర విషయం ఏంటంటే తమిళనాడులో కన్నా ఇక్కడే టికెట్ రేట్లు ఎక్కువగా ఉన్నాయట! ఇక ఇప్పుడు మిశ్రమ స్పందన నేపథ్యంలో టికెట్ రేట్లు తగ్గింపు విషయంపై కూడా నిర్ణయం తీసుకుంటారా లేదా అనేది చూడాల్సి ఉంది.
