Game Changer Release Date: గ్లోబల్ స్టార్ రామ్చరణ్- శంకర్ కాంబోలో తెరకెక్కుతున్న భారీ బడ్జెట్ సినిమా 'గేమ్ ఛేంజర్'పై రోజురోజుకు అంచనాలు పెరుగుతున్నాయి. రీసెంట్గా హీరో రామ్చరణ్ తన షూటింగ్ పార్ట్ కూడా కంప్లీట్ చేసుకున్నారు. ఇక కేవలం 10-15 రోజుల షూటింగ్ మిగిలి ఉన్నట్లు తెలిసింది. దీంతో సినిమా ఎప్పుడెప్పుడు రిలీజ్ అవుతుందా అని ప్రేక్షకులు, మెగా ఫ్యాన్స్ వేయి కళ్లతో ఎదురు చూస్తున్నారు. పలు సందర్భాల్లో డైరెక్టర్ శంకర్ను కూడా రిలీజ్ ఎప్పడంటూ అడిగారు. కానీ, ఆయన నుంచి ఎలాంటి క్లారిటీ రాలేదు.
అయితే సినిమా నిర్మాత దిల్రాజు రిలీజ్ ఎప్పుడో చెప్పేశారు. ఆయన ఆదివారం ధనుష్ హీరోగా నటించిన రాయన్ సినిమా ప్రీ రిలీజ్ ఈవెంట్కు వెళ్లారు. అక్కడ గేమ్ఛేంజర్ రిలీజ్ గురించి ఆడియెన్స్ అడగ్గా 'క్రిస్మస్కు కలుద్దాం' అని హింట్ ఇచ్చారు. అంటే సినిమా 2024 డిసెంబర్ ఆఖరి వారంలో రావడం పక్కా అని అర్థమైపోయింది!
