Nani Saripodhaa Sanivaaram : నేచురల్ స్టార్ నాని లీడ్ రోల్లో తెరకెక్కుతున్న లేటెస్ట్ మూవీ 'సరిపోదా శనివారం'. భారీ అంచనాలను క్రియేట్ చేసిన ఈ మూవీ ప్రస్తుతం షూటింగ్ దశలో ఉంది. ఆగస్టులో విడుదల కానున్న ఈ చిత్రం కోసం మేకర్స్ షూటింగ్ ముమ్మరం చేస్తున్నారు.
ఈ నేపథ్యంలో తాజాగా ఈ సినిమా నుంచి ఓ క్రేజీ అప్డేట్ వచ్చింది. అదేంటంటే ప్రస్తుతం ఈ మూవీ షూటింగ్ హైదరాబాద్లో జరుగతోంది. ఓ స్పెషల్ సెట్లో నానిపై ఓ యాక్షన్‌ సీక్వెన్స్‌ను చిత్రీకరిస్తున్నట్లు సమాచారం. దీనికి రామ్‌-లక్ష్మణ్‌ నేతృత్వం ఫైట్ సీక్వెన్స్ రూపొందిస్తున్నట్లు తెలుస్తోంది. దాదాపు పది రోజులకు పైగా ఈ షెడ్యూల్‌ సాగనున్నట్లు సమాచారం.
