Indian 2 Trailer: లోకనాయకుడు కమల్హాసన్- స్టార్ డైరెక్టర్ శంకర్ కాంబోలో తెరకెక్కిన భారతీయుడు- 2 ట్రైలర్ రిలీజ్కు ముహూర్తం ఖరారైంది. ఈ సినిమా థియేట్రికల్ ట్రైలర్ జూన్ 25న రిలీజ్ చేయనున్నట్లు మూవీ మేకర్స్ ఆదివారం అఫీషియల్గా అనౌన్స్ చేశారు. ఈ మేరకు ఓ పోస్టర్ కూడా విడుదల చేశారు.'సేనాపతి వచ్చేస్తున్నాడు సిద్ధంగా ఉండండి' అంటూ క్యాప్షన్ రాసుకొచ్చారు. ఈ ట్రైలర్ తెలుగుతోపాటు తమిళం, హిందీ భాషల్లో రిలీజ్ కానుంది.
కాగా, ఇప్పటికే ఈ సినిమా నుంచి గ్లింప్స్ వీడియోలు, పాటలు విడుదలయ్యాయి. వీటన్నింటికీ ప్రేక్షకులనుంచి పాజిటివ్ రెస్పాన్స్ వచ్చింది. ఇక 'భారతీయుడు'కి సీక్వెల్గా తెరకెక్కిన ఈ మూవీ జులై 12న థియేటర్లలోకి రానుంది. ఈ సినిమాలో కమల్హాసన్తోపాటు సిద్ధార్థ్, ఎస్జే సూర్య, ప్రియ భవానీ, రకుల్, కాజల్ తదితరులు నటించారు. అనిరుధ్ రవిచంద్రన్ సంగీతం అందిస్తున్నారు. ప్రముఖ నిర్మాత సుభాస్కరణ్ లైకా ప్రొడక్షన్స్ బ్యానర్పై ఈ సినిమాను నిర్మించారు.
