గేమ్​ఛేంజర్​ - రామ్​చరణ్​కు బిగ్ రిలీఫ్!

Ramcharan Gamechanger Movie : మెగాపవర్ స్టార్​ రామ్​చరణ్​ నటిస్తున్న మోస్ట్ అవైటెడ్ మూవీ గేమ్ ఛేంజర్. ఇండియన్ 2 వల్ల వాయిదా పడుతూ ఆలస్యంగా షూటింగ్ జరుపుకుంటున్న ఈ చిత్రాన్ని దిగ్గజ డైరెక్టర్ శంకర్ తెరకెక్కిస్తున్నారు. దిల్​రాజు ప్రొడ్యూస్ చేస్తున్నారు. కియారా అద్వానీ హీరోయిన్​గా నటిస్తోంది. అంజలి, సునీల్, నవీన్ చంద్ర వంటి వారు కీలక పాత్రల్లో నటిస్తున్నారు. ప్రస్తుతం ఈ మూవీ షూటింగ్ వైజాగ్​లో జరుగుతోందని తెలిసింది. రీసెంట్​గా రాజమండ్రి పరిసర ప్రాంతాలలో చిత్రీకరణ జరిపిన మూవీటీమ్​​ ఇప్పుడు వైజాగ్​లో కీలక సన్నివేశాలు తెరకెక్కిస్తున్నట్లు సమాచారం. మరో వారం లేదా పది రోజుల్లో ఈ మూవీ షూటింగ్ పూర్తి కానున్నట్లు సమాచారం. దీంతో చిత్రీకరణ పూర్తయ్యాక ఫ్యామిలీతో కలిసి చరణ్ వెకేషన్​కు వెళ్లనున్నట్లు బయట కథనాలు కనిపిస్తున్నాయి. ఇక తిరిగొచ్చిన తర్వాత బుచ్చిబాబు సినిమా కోసం రెడీ అవుతారని తెలుస్తోంది. కాగా, సినిమాలో చరణ్​ డబుల్​ రోల్​లో నటిస్తున్నారట.