రజనీ, సల్మాన్‌ కాంబోలో మల్టీస్టారర్‌! - దర్శకుడు ఎవరంటే?

Rajinikanth Salman Khan Movie : ఇండియన్ ఫిల్మ్ ఇండస్ట్రీలో మరో క్రేజీ మల్టీస్టారర్‌గా తెరకెక్కే అవకాశాలు బలంగా కనిపిస్తున్నాయి. జవాన్‌ సక్సెస్​ తర్వాత దర్శకుడు అట్లీ చేయనున్న మరో ప్రయత్నమిది. ఆయన సల్మాన్‌ ఖాన్‌తో కలిసి ఈ మల్టీస్టారర్‌ చేసేందుకు సమాయత్తమవుతున్నారట. దీని కోసం సౌత్ యాక్టర్​ను తీసుకోనున్నట్లు ఇప్పటికే వార్తలొచ్చాయి. ఇప్పుడీ పాత్ర కోసం సూపర్ స్టార్​ రజనీ కాంత్‌ను రంగంలోకి దింపేందుకు ప్రయత్నిస్తున్నారట. ప్రస్తుతం ఈ విషయమై రజనీతో చర్చలు జరుగుతున్నట్లు సమాచారం అందింది. అన్నీ అనుకున్నట్లు జరిగితే వచ్చే ఏడాదిలో సినిమాని పట్టాలెక్కించనున్నట్లు తెలుస్తోంది. ఇప్పటికే ఈ మూవీ స్క్రిప్ట్‌ పనులు ముగింపు దశకు చేరుకున్నాయి. . దీనిని సన్‌ పిక్చర్స్‌ బ్యానర్​పై కళానిధి మారన్‌ నిర్మించనున్నారు. ప్రస్తుతం రజనీ నటించిన వేట్టయాన్‌ రిలీజ్​కు సిద్ధమవుతుండగా కూలీ షూటింగ్​ ప్రారంభించుకోవాల్సి ఉంది. సల్మాన్ మరోవైపు మురగదాస్​ దర్శకత్వంలో సికందర్ అనే చిత్రం చేస్తున్నారు.