Two Year Old Girl Falls Into Borewell : రాజస్థాన్‌లోని దౌసా జోధుపుర గ్రామంలో బోరుబావిలో పడిపోయిన బాలిక ఎట్టకేలకు సురక్షితంగా బయటపడింది. 18 గంటలపాటు శ్రమించిన అధికారులు క్రేన్‌లు, బుల్డోజర్ల సాయంతో బాలికను బయటకు తీసుకొచ్చారు. వెంటనే ఆ బాలికను ఆసుపత్రికి తరలించారు.
దౌసా జోధుపురలోని 2 ఏళ్ల బాలిక బుధవారం ఆడుకుంటూ వెళ్లి, ప్రమాదవశాత్తు 35 అడుగుల లోతుగల బారుబావిలో పడిపోయింది. దీనితో ఎన్‌డీఆర్‌ఎఫ్, ఎస్‌డీఆర్‌ఎఫ్ దళాలు సంయుక్తంగా రెస్క్యూ ఆపరేషన్ నిర్వహించాయి. 31 అడుగుల లోతు, 12 అడుగులు అడ్డంగా భూమిని తవ్వి చిన్నారిని రక్షించాయి.
