రెండు చోట్ల రాహుల్ ఘన విజయం​- ఏ స్థానానికి రాజీనామా చేస్తారో?

Lok Sabha Election Results 2024 Rahul Gandhi : కాంగ్రెస్‌ నేత రాహుల్‌ గాంధీ లోక్​సభ ఎన్నికల్లో పోటీ చేసిన రెండు చోట్లా ఘన విజయం సాధించారు. కేరళలోని వయనాడ్‌లో వరుసగా రెండోసారి గెలుపొందారు. తన సమీప సీపీఐ అభ్యర్థి యానీ రాజాపై 3.5లక్షలపైగా మెజార్టీ సాధించారు. అటు ఉత్తర్​ప్రదేశ్‌లోని తమ కంచుకోట రాయ్‌బరేలీలో 3.7లక్షల పైచిలుకు ఓట్ల ఆధిక్యంతో జయకేతనం ఎగురవేశారు. రెండు స్థానాల్లో విజయం సాధించిన రాహుల్ ఏ స్థానానికి రాజీనామా చేస్తారనే ప్రశ్న ఇప్పుడు అందరిలో నెలకొంది. మరి రాహుల్ గాంధీ ఏ స్థానాన్ని వదులుకుంటారో చూడాలి.