ఎన్నికల కమిషన్ హెచ్చరికలు భేఖాతరు- విచ్చలవిడిగా వైఎస్సార్సీపీ ప్రచారాలు - YCP Leaders ElectionCode Voilation

YSRCP Leaders Election Code Voilation in Anakapally district : ఎన్నికల కమిషన్ హెచ్చరికలు జారీ చేసినప్పటికీ రాష్ట్రంలో వాలంటీర్లు ఎన్నికల నియమావళిని ఉల్లంఘిస్తున్నారు. అనకాపల్లి జిల్లా నర్సీపట్నంలో వైఎస్సార్సీపీ అభ్యర్థి ఉమాశంకర్ గణేశ్ ప్రచారంలో భాగంగా వాలంటీర్లు (volunteers ) ప్రచారంలో పాల్గొన్నారు. ఇంటింటికి తిరుగుతూ కరపత్రాలను పంపిణీ చేశారు. వైఎస్సార్సీపీ (YSRCP) అభ్యర్థికి జై అంటూ నినాదాలు చేసిన దృశ్యాలు సామాజిక మాధ్యమాల్లో వైరల్​గా మారాయి. ఎన్నికల సంఘం ఆదేశాలను ఉల్లఘించిన వాలంటీర్లపై అధికారులు చర్యలు తీసుకోవాలని ప్రతిపక్ష నాయకులు డిమాండ్ చేశారు. 

వాలంటీర్లకు ఎప్పటికప్పుడు ఎన్నికల కమిషన్ హెచ్చరికలు జారీ చేసి చర్యలు తీసుకుంటున్నప్పటికీ వాటిని భేఖాతరు చేస్తున్నట్లు స్పష్టమవుతోంది. అధికారుల బాటలోనే కార్యకర్తలు నడుస్తున్నారు, ఓ వైపు  ఎన్నికల కోడ్​ (Election code) అమలులో ఉన్నప్పటికీ సమావేశాలు, ప్రచారాలతో ఇష్టమొచ్చినట్లు వ్యవహరిస్తున్నారు. కోడ్​ ఉల్లంఘిస్తూ వైఎస్సార్సీపీ నేతలు, కార్యకర్తలు చేస్తున్న ప్రచారాలపై అధికారులు చర్యలు తీసుకోవాలని పలువురు ప్రతిపక్ష నేతలు కోరారు.