కడపలో కాంగ్రెస్ కౌంటింగ్ ఏజెంట్ల శిక్షణ శిబిరం వద్ద వైసీపీ కార్పొరేటర్ హల్చల్ - YSRCP Corporator Halchal

YSRCP Corporator Halchal in Jaya Raja Gardens at Kadapa: కడప శివారులోని జయ రాజా గార్డెన్స్​లో కాంగ్రెస్ పార్టీ కౌంటింగ్ ఏజెంట్లకు శిక్షణ ఇస్తున్న సమయంలో వైసీపీ కార్పొరేటర్ హల్చల్ చేశారు. రాత్రి జయరాజా గార్డెన్స్​కి వెళ్లిన 34 డివిజన్ కార్పొరేటర్​ఆ ప్రాంతంలో తిరిగుతూ ఉన్నారు. విషయం తెలుసుకున్న కాంగ్రెస్ కార్యకర్తలు నాయకులు వైసీపీ కార్పొరేటర్​ను నిలదీశారు. ఎందుకు ఇక్కడికి వచ్చావని ప్రశ్నించారు. ఎమ్మెల్యే అంజాద్ భాషా (MLA Anjad Bhasha) సమాచారం మేరకు ఇక్కడికి వచ్చానని ఇది తమ సమావేశం కాదని తెలిసి వెళ్లిపోతున్నానని వైసీపీ కార్పొరేటర్ అన్నారు. కాంగ్రెస్ పార్టీ శిక్షణా శిబిరం అని తెలిసి కూడా ఇంత దూరం ఎందుకు వచ్చావని ఆ పార్టీ నాయకులు ప్రశ్నించారు. దీంతో ఇరువురి మధ్య కొద్దిసేపు వాదన జరిగింది. ఆ కార్పొరేటర్ ఓవర్ ఆక్షన్ చేయవద్దు అంటూ కాంగ్రెస్ నాయకులు గద్దించి వాహనంలో కడప నగరానికి వెళ్లిపోయారు.