వాలీబాల్‌ ఆటలో గొడవ - నడిరోడ్డుపై ఓ యువకునిపై పదిమంది దాడి - MAN WAS BEATED IN NALGONDA VIDEO

Teenage Gang Street Fight in Miryalaguda : నల్గొండ జిల్లా మిర్యాలగూడలో నడిరోడ్డుపై ఓ యువకుడిపై పదిమంది యువకులు దాడి చేశారు. ఈ దాడిలో దామరచర్ల మండలం దిలవల్పూర్‌కు చెందిన నవీన్‌ చేయి విరిగింది. ఈనెల 25వ తేదీన వాలీబాల్‌ ఆట విషయంలో చింతపల్లికి చెందిన యువకులతో ఘర్షణ జరిగింది. గ్రామస్థులు సర్ది చెప్పి గొడవ సద్దుమణిగేలా చేశారు. ఈ క్రమంలో దీనిపై కక్ష పెంచుకున్న చింతపల్లి యువకులు ఇవాళ నవీన్ కనిపించడంతో ఒక్కసారిగా ఎగబడి చితక బాదారు. 

Man Injured in Youth Gang Fight in Nalgonda District : నవీన్‌ మిర్యాలగూడలోని హౌసింగ్ బోర్డ్​లో ఓ మెడికల్‌ షాప్‌లో పనిచేస్తుండగా అతడిని బలవంతంగా పక్క వీధిలోకి లాక్కె‌ళ్లి మద్యం మత్తులో విపరీతంగా దాడి చేశారు. ఈ దాడిలో నవీన్​ చేయి విరిగిపోయింది. యువకుడిపై దాడి చేసిన వీడియోలు ప్రస్తుతం సామాజిక మాధ్యమంలో వైరల్‌గా మారాయి. బాధితుడి ఫిర్యాదుతో వన్‌ టౌన్‌ పోలీసులు కేసు నమోదు చేసుకుని దర్యాప్తు చేస్తున్నారు.