LIVE: తెలంగాణలో పది ఫలితాలు విడుదల - ప్రత్యక్ష ప్రసారం - Telangana 10th Results

Telangana 10th Results Live : తెలంగాణలో పదో తరగతి​ పరీక్షల ఫలితాలను విద్యాశాఖ ముఖ్య కార్యదర్శి బుర్రా వెంకటేశం విడుదల చేశారు. ఉదయం 11 గంటలకు ఫలితాల విడుదలకు శ్రీకారం చుట్టారు. మార్చి 18 నుంచి ఏప్రిల్​ 2 వరకు ​ పరీక్షలు జరిగాయి. ఇందులో బాలురు 2లక్షల 57వేల 952 మంది కాగా, బాలికలు 2లక్షల, 50వేల 433 మంది పరీక్షలు రాశారు. సుమారుగా 30వేల మంది ఇన్విజిలేటర్లు విధుల్లో పాల్గొన్నారు. ఏప్రిల్​ 20లోపు మూల్యాంకనాన్ని పూర్తి చేశారు. ఫలితాలను విడుదల చేయడం వల్ల సర్వర్​ సమస్య తలెత్తే అవకాశం ఉండడంతో ఈసారి అలాంటి సమస్యలు రాకుండా అధికారులు ముందు జాగ్రత్త చర్యలు తీసుకున్నారు. మరో వైపు సర్వర్​ హ్యాంగ్​ కాకుండా చూసుకుంటున్నారు. ఈ ఫలితాలను కోసం పదో తరగతి విద్యార్థులతో సహా వారి తల్లిదండ్రులు ఎంతో ఆత్రుతతో ఎదురుచూస్తున్నారు. మార్కులు లెక్కించేటప్పుడు ఎలాంటి టెక్నికల్​ సమస్యలు రాకుండా విద్యాశాఖ అధికారులు ముందు నుంచే సన్నద్ధం అయ్యారు.