LIVE: ల్యాండ్ టైటిలింగ్ యాక్ట్​పై చర్చకు సిద్ధమా జగన్?- దేవినేని ఉమా మీడియా సమావేశం లైవ్ - TDP Leader Devineni Uma Press Meet

TDP Leader Devineni Uma Press Meet Live: వైఎస్సార్సీపీ సర్కారు తీసుకువచ్చిన 'ల్యాండ్‌ టైటిలింగ్‌ యాక్ట్‌' భూ దోపిడీని ప్రోత్సహించేలా ఉందని ఎన్డీయే నేతలు ధ్వజమెత్తారు. భూహక్కు చట్టం-1909లోని ఏ అంశాన్నీ పరిగణనలోకి తీసుకోకుండా ఏకపక్షంగా సీఎం జగన్‌ ఈ కొత్త చట్టం అమలుకు యత్నిస్తున్నారని మండిపడ్డారు. లోపభూయిష్ఠంగా ఉన్న చట్టాన్ని కేంద్రం వ్యతిరేకించినా రాష్ట్ర ప్రభుత్వం కొన్ని సవరణలు చేసి అమలుకు యత్నిస్తోందన్నారు. బాధిత భూ హక్కుదారులు కోర్టులను ఆశ్రయించకుండా ఈ చట్టంలో కఠిన నిబంధనలు పెట్టారని ఆరోపించారు. ప్రభుత్వం కేవలం 4 వేల గ్రామాల్లోనే భూసర్వే చేసిందని, ఇంకా 13 వేల గ్రామాల్లో సర్వే చేయకుండానే ఆఘమేఘాలపై చట్టాన్ని అమలు చేయడం తగదని టీడీపీ నేతలు మండిపడ్డారు. ఈ నేపథ్యంలో పేదల భూములు బొక్కే ల్యాండ్ టైటిలింగ్ యాక్ట్​పై చర్చకు జగన్​ రెడ్డి సిద్ధమా అని టీడీపీ నేత దేవినేని ఉమామహేశ్వరరావు ప్రశ్నించారు. ఈ నేపథ్యంలో దేవినేని ఉమా మీడియా సమావేశం ప్రత్యక్షప్రసారం మీకోసం.