'గౌస్​నగర్‌' ఘటనలపై ఎస్పీ సిద్ధార్థ్‌ కౌశల్‌ ఆగ్రహం - సీఐ, ఐదుగురు ఎస్‌లకు ఛార్జ్‌ మెమోలు - Kadapa SP on Ghouse Nagar Incident

SP Siddharth Kaushal Anger Over Kadapa Ghouse Nagar Incident: పోలింగ్​ రోజుల కడప గౌస్​నగర్​లో జరిగిన అల్లర్లకు సంబంధించి జిల్లా ఎస్పీ సిద్ధార్థ కౌశల్ తీవ్ర ఆగ్రహం వ్యక్తం చేశారు. పోలింగ్ ముగిసిన తర్వాత రాత్రి గౌస్​నగర్​లో టీడీపీ, వైఎస్సార్​సీపీ వర్గాల మధ్య భారీ స్థాయిలో రాళ్లదాడి జరిగింది. ఉప ముఖ్యమంత్రి అంజాద్ భాష సైతం వాహనం ఎక్కి తొడలు కొట్టి మీసం మేలేసి ప్రత్యర్థుల పైన కేకలు వేయడంతో పరిస్థితి ఉద్ధృతంగా మారింది. ఈ సమయంలో విధుల్లో ఉన్న పోలీసులు నిర్లక్ష్యంగా వహించారని ఎస్పీ సిద్ధార్థ కౌశల్ సంబంధిత పోలీసు అధికారులకు చార్జిమెమో జారీ చేశారు. 

కడప వన్ టౌన్ సీఐ భాస్కర్ రెడ్డితోపాటు ఐదుగురు ఎస్ఐలకు ఛార్జ్​ మెమోలు జారీ చేశారు. కడప వన్ టౌన్, టూ టౌన్ పోలీస్ స్టేషన్, రిమ్స్ పోలీస్ స్టేషన్​లో ఎస్సైలుగా పనిచేస్తున్న ఐదుగురిపైన చార్జ్​ మెమో జారీ చేసిన ఎస్పీ సిద్ధార్థ కౌశల్ వారందరి పైన శాఖ పరమైన విచారణకు ఆదేశించారు. శాఖా పరమైన విచారణ తర్వాత తీవ్రమైన చర్యలు తీసుకునే అవకాశం ఉన్నట్లు తెలుస్తోంది.