సింహాద్రి అప్పన్న నిర్మాల్య చందనం విక్రయాలు - దక్కించుకునేందుకు బారులు తీరిన భక్తులు - Simhadri Appanna Temple

Simhadri Appanna Temple Chandanam Sales in Visakha District : ఉత్తరాంధ్ర జిల్లాల ప్రజల ఆరాధ్య దైవం, భక్తకోటి ఇలవేల్పు సింహాచలం శ్రీ లక్ష్మి నృసింహస్వామి ఆలయంలో నిర్మాల్య చందనం విక్రయాలు ప్రారంభం అయ్యాయి. ఈ నెల 10న జరిగిన చందనోత్సవం సందర్భంగా అప్పన్న స్వామి దేహంపై నుంచి వేరు చేసిన నిర్మాల్య చందనాన్ని విక్రయిస్తున్నామని ఈవో సింగల శ్రీనివాస మూర్తి ఒక ప్రకటన తెలిపారు.

మే 18 మినహా ఈ నెల 21 వరకు అయిదు రోజుల పాటు సింహగిరిపై ప్రసాదాల కౌంటర్​ వద్ద ఉదయం 9 నుంచి చందనం విక్రయాలు జరుగుతాయని  శ్రీనివాస మూర్తి పేర్కొన్నారు.  పది గ్రాముల చందనం ప్యాకెట్​ ధర రూ. 10లకు విక్రయిస్తున్నట్లు తెలిపారు. భక్తులు ఈ అవకాశాన్ని వినియోగించుకోవాలని ఆయన కోరుకున్నారు. సింహగిరిపై ఉన్న ప్రసాద విక్రయ కేంద్రంలో ఇవాళ ఉదయం 5 నుంచి అందుబాటులో ఉంటాయని చెప్పారు. స్వామివారి చందనాన్ని దక్కించుకునేందుకు భక్తులు క్యూలైన్‌లో బారులు తీరారు. దాన్ని అందుకున్నవారు ఆనందాన్ని వ్యక్తం చేశారు