సూర్యాపేటలో ప్రత్యక్షమైన అరుదైన పక్షి - నిజంగా మీరెప్పుడూ చూసుండరు! - Rare Bird Video in Suryapet

Rare Bird in Suryapet District : సూర్యాపేట జిల్లాలో గ్రామస్థులు అరుదైన పక్షిని గుర్తించారు. రెక్కలు విరిగిపోయిన ఓ అరుదైన పక్షి నేలపై పడింది. ఆ పక్షిని గమనించిన స్థానికులు వైద్యుడి వద్దకు తీసుకెళ్లి ప్రథమ చికిత్స అందించారు. అనంతరం అటవీ శాఖ అధికారులకు అందించారు. స్థానికులు తెలిపిన  వివరాల ప్రకారం, చింతలపాలెం మండలం గుడి మల్కాపురంలో ఓ అరుదైన పక్షి ఒక్కసారిగా కింద పడింది.

గమనించిన స్థానికులు పక్షి దగ్గరకి చేరుకుని గమనించారు. రెక్కలు విరిగిపోయాయని తెలుసుకుని వెంటనే దగ్గరల్లో ఉన్న వెటర్నరీ డాక్టర్​ వద్దకు తీసుకెళ్లి మంచి మనసును చాటుకున్నారు. డాక్టర్​ పక్షిని నిశితంగా పరిశీలించి, అరుదైన పక్షిగా గుర్తించారు. అనంతరం ఆ పక్షికి బీట్ ఆఫీసర్ అధ్యర్యంలో ప్రథమ చికిత్సను అందించారు. కొంత సమయం గడిచాక పక్షి స్థితిని తెలుసుకుని ఆఫీసర్ అనిల్ కుమార్​కు అందజేశారు. ఈ అరుదైన పక్షిని చూసేందుకు స్థానిక ప్రజలు ఆసక్తి కనబరిచారు.