గోవా నుంచి తెచ్చి హైదరాబాద్​లో డ్రగ్స్ విక్రయం - రాజ్​తరుణ్ ప్రేయసి అరెస్ట్

Police Seized Drugs from a Young Woman in Hyderabad : తెలంగాణ ముఖ్యమంత్రిగా బాధ్యతలు చేపట్టిన వెంటనే రాష్ట్రంలో డ్రగ్స్​ అనే మాట వినిపించకూడదని రేవంత్​ రెడ్డి పోలీస్​ అధికారులకు ఆదేశాలు జారీ చేశారు. అప్పటి నుంచి డ్రగ్స్​ ముఠాలపై స్పెషల్​ ఫోకస్​ పెట్టిన పోలీసులు, ఎక్కడ మత్తు పదార్థాల వాసన వచ్చినా అక్కడ వాలిపోతున్నారు. వాటిని అమ్మేవారితో పాటు కొనుగోలుదారులనూ అరెస్ట్ చేసి ఊచలు లెక్కపెట్టిస్తున్నారు. తాజాగా హైదరాబాద్​ నగర శివార నార్సింగిలో సైబరాబాద్​ ఎస్​వోటీ పోలీసులు దాడులు నిర్వహించారు.

పక్కా సమాచారం మేరకు డ్రగ్స్​ విక్రయదారులపై దాడులు చేసిన స్పెషల్​ ఆపరేషన్స్​ టీమ్ (ఎస్​వోటీ) పోలీసులు, ఓ యువతి వద్ద 4 గ్రాముల ఎండీఎంఏ డ్రగ్స్ సీజ్ చేశారు. యువతిని సినీనటుడు రాజ్​తరుణ్ ప్రేయసిగా గుర్తించిన పోలీసులు, ఆమెపై ఎన్డీపీఎస్​ చట్టం కింద కేసు నమోదు చేశారు. ఈ డ్రగ్స్ గోవా నుంచి తీసుకొచ్చి నగరంలో విక్రయాలు జరుపుతున్నట్లు వెల్లడించిన పోలీసులు, యువతికి డ్రగ్స్​ ఎవరు సరఫరా చేశారనే కోణంలో విచారణ చేస్తున్నారు.