నాలుగు రోజుల పాటు భువనేశ్వరి 'నిజం గెలవాలి' యాత్ర

Nara Bhuvaneshwari Nijam Gelavali Yatra : తెలుగుదేశం అధినేత చంద్రబాబు సతీమణి నారా భువనేశ్వరి నిజం గెలవాలి యాత్ర పలు జిల్లాల్లో కొనసాగనుంది. నిజం గెలవాలి పేరుతో నారా భువనేశ్వరి నాలుగు రోజులపాటు పలు జిల్లాల్లో పర్యటించనున్నారు. బుధవారం ఉదయం అన్నమయ్య జిల్లాలోని రాయచోటి నియోజకవర్గంలో నిజం గెలవాలి పర్యటన నిర్వహించనున్నారు. అనంతరం గురువారం తెల్లవారు జామున తిరుమల (Tirumala) శ్రీవారిని భువనేశ్వరి దర్శించుకోనున్నారు. శ్రీవారి దర్శనం అనంతరం బద్వేలు నియోజకవర్గంలో నిజం గెలవాలి పర్యటన జరుగనుంది. 22వ తేదీన గూడూరులో, 23న సర్వేపల్లిలో నిజం గెలవాలి యాత్ర (Nijam Gelavali Yatra) కొనసాగనుంది.

ఈ యాత్రలో భాగంగా భువనేశ్వరి (Nara Bhuvaneshwari) చంద్రబాబు అక్రమ అరెస్టుతో చనిపోయిన కుటుంబాలను నారా భువనేశ్వరి పరామర్శించనున్నారు. ఎన్నికల్లో గెలుపే లక్ష్యంగా ఈ యాత్ర కొనసాగించనున్నట్లు కార్యకర్తలు తెలుపుతున్నారు. అటు లోకేశ్ (Lokesh) శంఖారావంకు ప్రజల నుంచి మంచి స్పందన లభించడంతో విజయోత్సాహంతో కార్యకర్తలు పెద్ద ఎత్తున పాల్గొంటారని టీడీపీ నేేతలు ఆశాభావం వ్యక్తం చేస్తున్నారు.