విశాఖలో బాలయ్య జోరు- ర్యాలీతో అభిమానుల స్వాగతం - Balakrishna Campaign in Visakha

Nandamuri Balakrishna Election Campaign: ఎన్నికల సమీపిస్తున్న వేళ నందమూరి బాలకృష్ణ ప్రచారంలో జోరును పెంచారు. 'స్వర్ణాంధ్ర సాకార యాత్ర' పేరుతో రాష్ట్ర వ్యాప్తంగా విస్తృతంగా పర్యటిస్తున్నారు. మహిళలు సైతం పెద్ద ఎత్తున తరలివచ్చి బాలకృష్ణ స్వర్ణాంధ్ర సాకార యాత్రకు సంఘీభావం తెలుపుతున్నారు. ఓ వైపు నందమూరి బాలకృష్ణ, మరోవైపు ఆయన సతీమణి వసుంధర దేవి ముమ్మరంగా ప్రచారాలు చేస్తున్నారు. ప్రస్తుతం స్వర్ణాంధ్ర సాకార యాత్రలో భాగంగా విశాఖలో హిందూపురం తెలుగుదేశం ఎమ్మెల్యే నందమూరి బాలకృష్ణ ప్రచారం నిర్వహించారు. 

భారీ బైక్ ర్యాలీతో ఆయనకు అభిమానులు ఘనస్వాగతం పలికారు. జాలారిపేటలో నిర్వహించిన రోడ్ షోలో బాలకృష్ణ పాల్గొన్నారు. ఈ కార్యక్రమానికి తెలుగుదేశం, జనసేన, బీజేపీ నాయకులు, కార్యకర్తలు, అభిమానులు భారీగా తరలివచ్చారు. కంచరపాలెం బహిరంగ సభలో బాలకృష్ణ పాల్గొనున్నారు. రాష్ట్రంలో వైఎస్సార్సీపీ రాక్షస పాలనను అంతం చేయాలని ప్రజలకు బాలకృష్ణ పిలుపునిచ్చారు. వైఎస్సార్సీపీ పాలనలో రాష్ట్రం ఎలా నష్టపోయిందో ప్రజలకు బాలకృష్ణ వివరిస్తూ కేంద్ర సహకారం కోసమే బీజేపీ పొత్తు పెట్టుకున్నామని ఆయన పేర్కొన్నారు.