గ్లాసు తేనీటి విందునిస్తుంది, ఫ్యాను రెక్కలు విరిగితే ఎందుకూ పనికి రాదు : నాగబాబు

Nagababu Comments On CM Jagan : రాప్తాడు సిద్ధం సభలో సీఎం జగన్​ మోహన్​ రెడ్డి చేసిన వ్యాఖ్యలపై విపక్ష నేతలు ఆగ్రహం వ్యక్తం చేస్తున్నారు. గాజు గ్లాసు గుర్తుపై రాప్తాడు సిద్ధం సభలో సీఎం జగన్​ వ్యాఖ్యలకు జనసేన ప్రధాన కార్యదర్శి నాగబాబు సామాజిక మాధ్యమాల ద్వారా కౌంటర్ ఇచ్చారు.

"గాజు గ్లాసు సింకులో ఉన్నా తెల్లారితే మళ్లీ తేనీటి విందునిస్తుంది. ' ఫ్యాన్ '​ రెక్కలు విరిగితే విసనకర్ర ఇచ్చినంత గాలి కూడ ఇవ్వదు. ముఖ్యమంత్రి జగన్​ మోహన్​ రెడ్డి బహిరంగ సభల్లో ప్రాసలు, పంచులు మీద పెట్టిన శ్రద్ధలో సగమైనా ప్రజాపరిపాలన మీద పెట్టుంటే బాగుండేది" అని ఎక్స్​ వేదికగా పేర్కొన్నారు.

అదే విధంగా రాప్తాడు సిద్ధం సభలో జగన్​ మోహన్ రెడ్డి చేసిన వ్యాఖ్యలకు మాజీ ముఖ్యమంత్రి చంద్రబాబు నాయుడు సైతం స్పందించారు. బహిరంగ చర్చలకు సిద్ధమా అని సవాల్ విసిరారు. ఎవరి పాలనలో అభివృద్ధి జరిగిందో, ఎవరి పాలనలో విధ్వంసం జరిగిందో తేల్చుకుందామని అన్నారు.