సవాలుగా బుడమేరు గండి మరమ్మతు- పనులను పరిశీలించిన మంత్రి లోకేశ్​ - Ministers Lokesh Visit Budameru

Ministers Lokesh And Nimmala Visit Budameru : మంత్రులు లోకేశ్, నిమ్మల బుడమేరు గండి పూడ్చే పనులు పరిశీలిస్తున్నారు. రహదారి లేకపోవడంతో మంత్రులు బురదలోనే గండిపడిన ప్రాంతానికి వెళ్లారు. బుడమేరుకు విజయవాడ నగరంవైపు 3 గండ్లు, అవతలి వైపు 4 గండ్లు పడ్డాయి. వరద ఉద్ధృతితో గండ్లు పూడ్చే పనులు సవాలుగా మారాయి. బుడమేరుకు పడిన గండ్లలో ఒక్కో గండి దాదాపు 50మీటర్ల పైనే ఉండటంతో గండ్లు పూడ్చటం కష్టంగా మారింది. 

Nimmala Fires On Jagan : జగన్ నిర్లక్ష్యానికి అమరావతి, పోలవరంతోపాటు బుడమేరు కూడా గురైందని మంత్రి నిమ్మల రామానాయుడు మండిపడ్డారు. విజయవాడ సింగ్ నగర్ ను వరద చుట్టూ ముట్టడానికి కారణం జగనేనని మండిపడ్డారు. బుడమేరులో గతంలో చంద్రబాబు చేసిన పనులు తప్ప వైఎస్సార్సీపీ ఐదేళ్ల పాలనలో 50 పైసల పని కూడా చేయలేదని ఆగ్రహం వ్యక్తం చేశారు. విజయవాడ వరద బాధితుల కష్టాలకు జగనే కారణమని వారికి క్షమాపణ చెప్పాలని డిమాండ్ చేశారు.