ఆగస్టు 15న అన్న క్యాంటీన్లు ప్రారంభం: మంత్రి రామప్రసాద్ రెడ్డి - Minister Mandipalli schemes

Minister Mandipalli Ramprasad Reddy Comments: ఎన్నికల్లో ఇచ్చిన హామీలను రాష్ట్ర ప్రభుత్వం ఒక్కొక్కటిగా పూర్తి చేస్తోంది.  ఆగస్టు 15 నుంచి అన్న క్యాంటీన్లను ప్రారంభిస్తున్నామని మంత్రి మండిపల్లి రామప్రసాద్ రెడ్డి తెలిపారు. ఉచితంగా ఇసుక అందిస్తున్నామని వెల్లడించారు. రవాణ చెక్ పోస్టులను గత ప్రభుత్వం మూసేసిందని, చెక్ పోస్టులను రీ-ఓపెన్ చేసే అంశంపై త్వరలోనే ఓ సమావేశం పెడతామన్నారు. చెక్ పోస్టులను తిరిగి తెరిచే విషయమై అధికారులతో సమావేశమై త్వరలో నిర్ణయం తీసుకుంటామన్నారు. 

ఆర్టీసీలో మహిళలకు ఉచిత ప్రయాణం అంశంపై అధ్యయనం చేస్తామని ఇతర రాష్ట్రాల్లో మహిళలకు ఉచిత ప్రయాణం అమలు తీరును పరిశీలిస్తామన్నారు. ఆగస్టు 15 నుంచి అన్న క్యాంటీన్లను ప్రారంభిస్తామని తెలిపారు. అయితే మహిళలకు ఉచిత ప్రాయాణం ఆగస్టు 15 నుంచి అమలు చేస్తారనే ప్రచారాన్ని మంత్రి తోసిపుచ్చారు. ఇతర రాష్ట్రాల్లో అమలును పరిశీలించి, పారదర్శకంగా అమలు చేస్తామని తెలిపారు. ఎప్పటి నుంచి ఉచిత ప్రయాణం అమలులోకి వస్తుంది అనేది మాత్రం చెప్పలేదు. హామీలు అన్నింటినీ నెరవేరుస్తామని, ఒక్కొక్కటిగా అమలు చేస్తూ వస్తున్నామని అన్నారు.