రిటైర్ బీఎస్​ఎఫ్​ జవాన్ ఇంట్లో 5లక్షల విలువైన మద్యం పట్టివేత - Retaired Jawan arrest in anantapur

Man Arrested For Retaired Jawan Selling Liquor Illegally in Anantapur: విశ్రాంత జవాన్లకు ప్రతినెలా పంపిణీ చేసే మద్యం బాటిళ్లను కొనుగోలు చేసి అధిక ధరలకు (High Price) విక్రయిస్తున్న విశ్రాంత బీఎస్​ఎఫ్ జవాను హనుమంతరెడ్డి ఇంటిపై సెబ్ (SEB) పోలీసులు దాడులు నిర్వహించారు. రూ.5.50 లక్షల విలువైన 303 మద్యం బాటిళ్లను పోలీసులు స్వాధీనం చేసుకున్నారు. నిందితునిపై కేసు నమోదు చేసి రిమాండ్​కు పంపిస్తామని అనంతపురం జిల్లా అదనపు ఎస్పీ జి.రామకృష్ణ వెల్లడించారు.

అనంతపురం జిల్లా శిల్ప లేపాక్షి నగర్​లో నివాసిస్తున్న విశ్రాంత బీఎస్​ఎఫ్​ జవాన్​ హనుమంతరెడ్డి ప్రతినెలా బెంగళూరులోని డిఫెన్సు క్యాంటీన్ నుంచి మద్యం తెచ్చుకుంటారు. ఈ క్రమంలోనే తనకు వచ్చే ఆరు బాటిళ్ల మద్యంతో పాటు, తోటి విశ్రాంత జవాన్లకు ప్రతినెలా వస్తున్న కోటా మద్యాన్ని కొనుగోలు చేసి పెద్దఎత్తున అనంతపురం తీసుకొస్తున్నాడు. ఈ విధంగా డిఫెన్సు మద్యం ప్రతినెలా వందలాది బాటిళ్లు సేకరించి, అనంతపురం శిల్ప లేపాక్షి నగర్​లో తన ఇంట్లోనే నిల్వ చేసి విక్రయిస్తున్నాడు. గత కొంత కాలంగా నిఘా పెట్టిన సెబ్ పోలీసులు, పక్కా సమాచారంతో హనుమంతరెడ్డి ఇంటిపై దాడులు నిర్వహించి మద్యం బాటిళ్లను స్వాధీనం చేసుకున్నామని సెబ్ అదనపు ఎస్పీ రామకృష్ణ వెల్లడించారు.