అమెరికాలో అరెస్ట్ అయింది జగనా అతని కుటుంబ సభ్యులా? లోకేశ్ వ్యంగ్యాస్త్రాలు

Lokesh Fires on YCP Fake News on Social Media: తనని అమెరికాలో అరెస్టు చేశారంటూ సామాజిక మాధ్యమాల్లో వైసీపీ చేస్తున్న ప్రచారంపై టీడీపీ జాతీయ ప్రధాన కార్యదర్శి నారా లోకేశ్​ మండిపడ్డారు. అమెరికాలో మనీ లాండరింగ్ కేసులో అరెస్ట్ అయింది జగనా లేక అతని కుటుంబ సభ్యులా అని వ్యంగ్యాస్త్రాలు విసిరారు. ఎవరు అరెస్టు అయ్యారో ప్రచారం చేస్తున్న గాడిదల్ని అడగాలని సూచించారు. అందరూ జగన్​లా ఉండరన్నారు. మనీ లాండరింగ్​లు, వైట్ కాలర్ నేరాలు అన్నీ జగన్ కుటుంబాలకు తెలిసిన విద్యలేనని విమర్శించారు. గత కొద్ది రోజులుగా లోకేశ్​పై వైసీపీ నేతలు దుష్ప్రచారం చేస్తున్న విషయం తెలిసిందే. ఈ సందర్భంగా అమెరికాలో లోకేశ్ అరెస్ట్ అయ్యారని సోషల్ మీడియాలో వివిధ రకాల పోస్టులు పెడుతున్నారు. వాటిని లోకేశ్ తిప్పికొట్టారు. హైదరాబాద్ నుంచి అమరావతి చేరుకోగా టీడీపీ నేతలు స్వాగతం పలికారు. అనంతరం అక్కడి నుంచి బయలుదేరి ​మంగళగిరి నియోజకవర్గ నేతలతో నారా లోకేశ్ ఉండవల్లిలోని తన నివాసంలో సమావేశమయ్యారు.