LIVE : లోక్​సభ సమావేశాలు - ప్రత్యక్షప్రసారం - Lok Sabha Budget Sessions

Lok Sabha Budget Session Live : లోక్​సభ సమావేశాలు తిరిగి ఇవాళ ఉదయం 11 గంటలకు ప్రారంభమయ్యాయి. గత సభలో బడ్జెట్​పై వాడివేడి చర్చ జరిగింది. ఈ సందర్భంగా ఇప్పటికే కేంద్రం (2024-25) ఆర్థిక సంవత్సరానికి సంబంధించి రూ.48.21 లక్షల కోట్లతో కేంద్ర ప్రభుత్వం ప్రతిపాదించిన బడ్జెట్‌కు గత లోక్‌సభ ఆమోదం తెలిపింది. దీనితో పాటు జమ్మూకశ్మీర్‌ కేంద్ర పాలిత ప్రాంత బడ్జెట్‌కు, మరికొన్ని వినిమయ బిల్లులకు సభ మూజువాణి ఓటుతో సమ్మతిని వెల్లడించింది. గత సమావేశాల్లో కేరళ వయనాడ్​లో జరిగిన కొండచరియలు విరిగిపడిన ప్రమాదం, మరోవైపు ఈ సమావేశాల్లో బంగ్లాదేశ్​లో పరిస్థితులు, భారత్​ తీసుకుంటున్న అప్రమత్త చర్యల గురించి చర్చ జరిగింది. ఇక పారిస్ ఒలింపిక్స్​లో అనర్హత వేటుకు గురైన రెజ్లర్ వినేశ్ ఫొగాట్​ వ్యవహారంపైనా గురువారం రోజు చర్చ జరిగింది. అంతే కాకుండా వక్ఫ్‌ చట్టంలో కీలక మార్పులు తెచ్చే దిశగా రూపొందించిన సవరణ బిల్లు గురువారం లోక్‌సభలో ప్రవేశపెట్టారు. దీనిపై విపక్షాల నుంచి పెద్ద ఎత్తున వ్యతిరేకత వ్యక్తమైంది. దీంతో బిల్లును జాయింట్‌ పార్లమెంటరీ కమిటీ (JPC)ని పంపుతామని కేంద్రమంత్రి కిరణ్‌ రిజిజు పేర్కొన్నారు.