LIVE: శ్రీహరికోటలోని షార్‌లో జీఎస్ఎల్‌వీ-ఎఫ్15 రాకెట్‌ ప్రయోగం - ప్రత్యక్షప్రసారం

ISRO 100th Mission Live : ఎన్నో మైలురాళ్లను సాధించిన భారత అంతరిక్ష పరిశోధన సంస్థ (ఇస్రో) ఇప్పుడు మరో చారిత్రక ఘనతను సాధించేందుకు సిద్ధమైంది. ఇస్రో ప్రతిష్టాత్మకంగా చేపట్టిన 100వ మిషన్​లో భాగంగా జీఎస్ఎల్​వీ (జియోసింక్రోనస్ శాటిలైట్ లాంచ్ వెహికల్)-ఎఫ్-15 పేరుతో రాకెట్​ను ప్రయోగిస్తోంది. ఈ మిషన్​లో భాగంగా ఇస్రో శాస్త్రవేత్తలు జీఎస్​ఎల్​వీ రాకెట్​ ద్వారా నావిగేషన్ ఉపగ్రహాన్ని ప్రయోగిస్తున్నారు.  ఇస్రో కొత్త ఛైర్మన్‌గా వి. నారాయణన్ నియమితులైన తర్వాత జరుగుతున్న తొలి ప్రయోగం కూడా ఇదే. జియోసింక్రోనస్ శాటిలైట్ లాంచ్ వెహికల్ (జీఎస్​ఎల్​వీ) తన 17వ ప్రయోగంలో స్వదేశీ క్రయోజెనిక్ అప్పర్ స్టేజ్ ఎన్​వీఎస్-2 నావిగేషన్ ఉపగ్రహాన్ని నింగిలోకి మోసుకెళ్లనుంది. 2,250 కిలోల ఈ ఎన్​వీఎస్-02 ఉపగ్రహన్ని యూఆర్ శాటిలైట్ సెంటర్ అభివృద్ధి చేసింది. ఇది ఎల్​1, ఎల్​5, ఎస్ బ్యాండ్లలో నావిగేషన్ పేలోడ్​ను కలిగి ఉంది. అంతేకాక ఇది ఎన్​వీఎస్-01 మాదిరిగా అదనపు సీ-బ్యాండ్​లో కూడా పేలోడ్‌ను కలిగి ఉంది. ఈ  భౌగోళిక, వైమానిక, సముద్ర నేవిగేషన్, వ్యవసాయంలో సాంకేతికతకు, విమానాల నిర్వహణ కోసం, మొబైల్ పరికరాల్లో లొకేషన్ ఆధారిత సేవల కోసం ఈ ఉపగ్రహ ప్రయోగాన్ని ఇస్రో చేపట్టింది