ట్రెడిషనల్ బాటలో రామన్న- గౌడసంఘం ప్రతినిధులతో గడను పైకి ఎత్తిన కేటీఆర్

KTR Cultural Steps at BRS Bhavan : భారత రాష్ట్ర సమితి కార్యనిర్వహక అధ్యక్షుడు కేటీఆర్(KTR) గౌడ సామాజిక వర్గ నేతలతో కలిసి సంప్రదాయ నృత్య స్టెప్పులు వేశారు. సిరిసిల్ల జిల్లా నారాయణపురంలో శ్రీజమదగ్ని రేణుకామాత కళ్యాణానికి, గౌడ సంఘం ప్రతినిధులు కేటీఆర్​ను ఆహ్వానించారు. హైదరాబాద్​లోని తెలంగాణ భవన్​లో ఆయనకు సంప్రదాయబద్దంగా ఆహ్వానం పలికారు. అమ్మవారికి పూజలు చేసి గౌడసంఘం ప్రతినిధులతో గడను పైకి ఎత్తి కేటీఆర్ నృత్యం చేశారు. 

BRS Parliament Elections Preparatory Meet : మరోవైపు స్థానిక సంస్థల కోటా ఎమ్మెల్సీ ఉపఎన్నికతో పాటు, లోక్​సభ ఎన్నికలపై ఉమ్మడి మహబూబ్​నగర్ జిల్లా నేతలతో కేటీఆర్ సమావేశమయ్యారు. తెలంగాణ భవన్​లో జరిగిన సమావేశానికి ప్రజాప్రతినిధులు, మాజీలు, సీనియర్ నేతలు హాజరయ్యారు. ఎమ్మెల్సీ ఉపఎన్నిక పాటు రానున్న లోక్​సభ ఎన్నికలకు సంబంధించిన కార్యాచరణపై సమావేశంలో చర్చించారు. మహబూబ్​నగర్, నాగర్​ కర్నూల్ నియోజకవర్గాల్లో అనుసరించాల్సిన వ్యూహంపై సమావేశంలో చర్చ జరిగింది. రెండు పార్లమెంట్ నియోజకవర్గాలపై పార్టీ అధినేత కేసీఆర్ రేపు సమావేశం కానున్నారు.