జగన్​ పాలనలో పరిశ్రమలు మూతపడి కార్మికులు వీధినపడ్డారు: జేసీ ప్రభాకర్​ రెడ్డి

JC Prabhakar Reddy Conducted the Yuva Chaitanya Bus Yatra: జగన్​ పాలనలో డోలమైట్​ పరిశ్రమ మూతపడి కార్మికులు వీధిన పడ్డారని మాజీ ఎమ్మెల్యే జేసీ ప్రభాకర్​ రెడ్డి ధ్వజమెత్తారు. అనంతపురం జిల్లా యాడికిలో యువ చైతన్య బస్సు యాత్ర ముగింపు ర్యాలీ నిర్వహించారు. డోలమైట్​ పరిశ్రమ మూతపడి ఉపాధి కోల్పోయిన కార్మికులే తమకు మద్ధతుగా తరలించారని పేర్కొన్నారు. తెలుగుదేశం అధికారంలోకి వచ్చాక మూతపడిన పరిశ్రమలన్నీ తెరిపించి ఉపాధి కల్పిస్తామని హామీ ఇచ్చారు.  

Anantapur District: పాడిపోషణ చేస్తున్న కుటుంబాలన్నీ సంతోషంగా ఉన్నాయని, రానున్న ఎన్నికల్లో తెలుగుదేశం పార్టీ గెలిచిన తరవాత ప్రతి ఇంటికీ రెండు పశువులను ఇప్పిస్తామని జేసీ ప్రభాకర్​ పేర్కొన్నారు. పాడిపరిశ్రమతో కుటుంబ పోషణ జరిగేలా చర్యలు తీసుకుంటామని వెల్లడించారు. యాడికి కాలువకు నీరు ఇస్తే భూగర్భ జలాలు పెరిగి రైతులు బాగుపడతారని తెలియజేశారు. స్థానిక సమస్యల పరిష్కర లక్ష్యంగా ఎన్నికల మేనిఫెస్టోను సిద్ధం చేస్తామని సృష్టం చేశారు.