పవన్​ పర్యటనను అడ్డుకోవడం దుర్మార్గం: పోతిన మహేష్

Jana Sena leader Potina Mahesh allegations on CM Jagan: అధికారం అడ్డుపెట్టుకొని పవన్ కల్యాణ్ పర్యటనలను అడ్డుకోవడం దుర్మార్గమని జనసేన పార్టీ విజయవాడ పశ్చిమ నియోజకవర్గ ఇన్​ఛార్జీ పోతిన వెంకట మహేష్ మండిపడ్డారు. వైసీపీ ప్రభుత్వానికి పవన్ కల్యాణ్ అంటే ఎందుకు అంత భయం అని నిలదీశారు. ఐదు కిలోమీటర్ల దూరం కూడా హెలికాప్టర్​లో వెళ్లే సీఎం జగన్మోహన్ రెడ్డికి పవన్ కల్యాణ్ గోదావరి పర్యటనలకు వస్తుంటే ఓటమి భయం పట్టుకుందన్నారు. జగన్​ రెడ్డిని అధికారం నుంచి దించే సమయం వచ్చిందని, వైఎస్సార్సీపీ నాయకులకు ప్రజలు కచ్చితంగా బుద్ది చెప్తారని మండిపడ్డారు. రాష్ట్రంలో పవన్ కల్యాణ్ పర్యటనలను అడ్డుకుంటున్న అధికారులు భవిష్యత్తులో తగిన మూల్యం చెల్లించుకోవాల్సి ఉంటుందని హెచ్చరించారు. వైఎస్సార్సీపీ నాయకులలో ఏ ఒక్కర్నీ వదిలేది లేదని, అందరికీ తగిన బుద్ది చెప్తామని ఆగ్రహం వ్యక్తం చేశారు. రాబోయేది టీడీపీ - జనసేన ప్రభుత్వమే అని అధికారులు గుర్తు పెట్టుకోవాలని పోతిన మహేష్ సూచించారు.