మాజీ ఎమ్మెల్యే పిన్నెల్లికి మరోసారి చుక్కెదురు - Court Denied Bail to Pinnelli
![ETV Bharat Andhra Pradesh Team](https://etvbharatimages.akamaized.net/etvbharat/prod-images/authors/andhrapradesh-1716535904.jpeg?imwidth=128)
By ETV Bharat Andhra Pradesh Team
Published : Jul 31, 2024, 9:20 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/31-07-2024/640-480-22096519-thumbnail-16x9-court-denied-bail-to-pinnelli.jpg)
Guntur District Court Denied Bail to Macharla Former MLA Pinnelli: పల్నాడు జిల్లా మాచర్ల వైఎస్సార్సీపీ మాజీ ఎమ్మెల్యే పిన్నెల్లి రామకృష్ణా రెడ్డికి మరోసారి చుక్కెదురైంది. కారంపూడి సీఐ, తెలుగుదేశం ఏజెంట్ శేషగిరిరావుపై దాడి ఘటనల్లో గుంటూరు జిల్లా కోర్టు మరోసారి బెయిల్ నిరాకరించింది. ఈ రెండు కేసుల్లో పిన్నెల్లిపై అభియోగాల నేపథ్యంలో నెల్లూరు జైలులో రామకృష్ణా రెడ్డి రిమాండ్ ఖైదీగా ఉన్నారు. గతంలో పిన్నెల్లి బెయిల్ను గుంటూరు సెషన్స్ కోర్టు నిరాకరించింది. ఇటీవల జరిగిన ఎన్నికల సమయంలో ఆ తర్వాత వైఎస్సార్సీపీ నేత పిన్నెల్లి రామకృష్ణారెడ్డి అతని సోదరుడు వెంకట్రామిరెడ్డి అనుచరులతో కలిసి వీరంగం సృష్టించారు. తెలుగుదేశం శ్రేణులే లక్ష్యంగా దాడులకు తెగబడ్డారు. ఈవీఎం ధ్వంసం చేసి ఎన్నికలు జరగకుండా అడ్డుకోవాలని ప్రయత్నం చేశారు. దీంతో పిన్నెల్లి రామకృష్ణారెడ్డిపై పలు కేసులు నమోదు చేసిన పోలీసులు అరెస్టు చేశారు. ప్రస్తుతం ఆయన నెల్లూరు జైల్లో రిమాండ్ ఖైదీగా ఉన్నారు.