వైసీపీ సేవలో సచివాలయ ఉద్యోగ సంఘం అధ్యక్షుడు - కేసు నమోదు - CASE ON VENKATRAMI REDDY

Government Employees Involved Election Campaign in YSR District : ఎన్నికల కోడ్​ ఉల్లంఘించి ప్రచారం చేసిన వారిపై కడప ఒకటో పట్టణ పోలీసు స్టేషన్​లో కేసులు నమోదు చేశారు. ఏపీ సచివాలయ ఉద్యోగుల సంఘం అధ్యక్షుడు వెంకట్రామి రెడ్డి, వైఎస్సార్​ ఆర్టీసీ సంఘం రాష్ట్ర అధ్యక్షుడు చల్లా చంద్రయ్య, ఉపాధ్యక్షుడు బాబా ఫకృద్ధీన్​, బద్వేలు ఆర్టీసీ ఉద్యోగి సుందరయ్యపై ఆయా పోలీస్​ స్టేషన్​ పరిధిలో కేసును నమోదు చేశారు. కడప, బద్వేల్​, మైదుకూరు, ప్రొద్దుటూరు డిపోలకు వెళ్లి వైసీపీకి ఓటు వేయాలని ప్రచారం చేస్తూ కరపత్రాలను పంపిణీ చేశారు.

ఎన్నికల నిబంధనలు తుంగలో తొక్కి ఏకంగా సన్మాన కార్యక్రమాలను నిర్వహించారు. వీరితో పాటు డిపో అధికారులు కూడా ప్రచారంలో పాల్గొన్నారు. ఈ నేపథ్యంలో కొందరు ఎన్నికల ఫ్లయింగ్​ స్క్వాడ్​ అధికారులు పోలీసులకు ఫిర్యాదు చేశారు. దీంతో స్థానిక పోలీసు స్టేషన్​ కేసును నమోదు చేశారు. ఈ ముగ్గురు అధికారులతో పాటు మరికొంత మంది ఆర్టీసీ ఉద్యోగులపై కూడా కేసు నమోదు చేసినట్లు సమాచారం.