వైఎస్సార్సీపీ ప్రభుత్వంలో రాష్ట్రం అప్పుల్లో కూరుకుపోయింది : చింతా మోహన్‌ - Chinta Mohan Sensational Comments

Chinta Mohan Sensational Comments On Ys Jagan : వైఎస్సార్సీపీ ప్రభుత్వంలో రాష్ట్రం పూర్తిగా అప్పుల్లో కూరుకుపోయిందని కేంద్ర మాజీ మంత్రి చింతా మోహన్ విమర్శించారు. పరిశ్రమలు, పెట్టుబడులు రావాలంటే ప్రత్యేక హోదా రావాలన్నారు. తిరుపతిలో కాంగ్రెస్ నాయకులతో కలిసి ఆయన ప్రత్యేక సమావేశం నిర్వహించారు. ఈ సందర్బంగా ఆయన మాట్లాడుతూ, ఎన్నికల్లో తనపై వచ్చిన ఒత్తిళ్ల కారణంగా తిరుపతి రాజధాని అంశాన్ని పక్కన పెట్టామన్నారు. రాష్ట్రానికి ప్రత్యేక హోదా కాంగ్రెస్ పార్టీతోనే సాధ్యమని తెలిపారు. ఎన్నికల్లో గెలుపొందే ఎమ్మెల్యేలు కాంగ్రెస్​ పార్టీకి మద్దతుగా నిలవాలని కోరారు. అదేవిధంగా స్థానికులకు ప్రతి మంగళవారం శ్రీవారి ఉచిత దర్శనం కల్పించాలని చింతా మోహన్ డిమాండ్ చేశారు. 

మెున్న జరిగిన ఎన్నికల్లో జగన్ మోహన్ రెడ్డి దాదాపుగా రూ.5 వేల కోట్లు ఖర్చుపెట్టాడని విమర్శించారు. ఈ అక్రమ డబ్బుని పోలీసులను ఉపయోగించుకుని పంచారని మండిపడ్డారు. అసలు ఇంత డబ్బును ఎక్కడి నుంచి సేకరించాడో అర్ధం కావటం లేదన్నారు. ఇలాంటి వ్యక్తులను పద్మ అవార్డులతో సత్కరించాలని ఎద్దేవా చేశారు.