ఎంపీగా పోటీ చేసేందుకు సిద్ధంగా ఉన్నా - ఉప ముఖ్యమంత్రి ఆసక్తికర వ్యాఖ్యలు

Deputy CM Peedika Rajanna Dora on MP Ticket: ఉప ముఖ్యమంత్రి, గిరిజన సంక్షేమ శాఖ మంత్రి (Tribal Welfare Minister) పీడిక రాజన్న దొర ఆసక్తికర వ్యాఖ్యలు చేశారు. ఈసారి ఎంపీ(MP)గా పోటీ చేసేందుకు తాను సిద్ధంగా ఉన్నానని, ఎమ్మెల్యే(MLA)గా పోటీ చేసేందుకు ఆరోగ్యం సరిగా సహకరించటం లేదని అన్నారు. దీంతోపాటు భార్యా పిల్లలకు దూరంగా ఉండాల్సి వస్తోందని పేర్కొన్నారు. 

Rajanna Dora Interesting Comments: నాలుగు సార్లు ఎమ్మెల్యేగా పని చేశానని, మంత్రి (Minister), ఉప ముఖ్యమంత్రి (Deputy Chief Minister)గా కూడా చేశానని గుర్తు చేశారు. ఈ నేపథ్యంలో ఈసారి ఎంపీగా పోటీ చేసేందుకు సిద్ధంగా ఉన్నానని తెలిపారు. ఈ విషయాన్ని సీఎం జగన్ (CM Jagan) దృష్టికి తీసుకెళ్లానని, అయినా ఆయన ఎమ్మెల్యేగా పోటీ చేయాలని చెబితే అందుకు అంగీకరిస్తానని చెప్పారు.  సాలూరు మండలంలో గ్రామ వార్డు వాలంటీర్లకు సన్మానం చేసి పురస్కారాలు అందజేశారు. వారికి సేవా రత్న, సేవా వజ్ర, సేవా మిత్ర అనే మూడు రకాల పురస్కారాలు ఇచ్చారు.