LIVE: పంచాయతీ రాజ్ కార్యాలయంలో పవన్ కల్యాణ్ మీడియా సమావేశం - ప్రత్యక్షప్రసారం - Deputy CM Pawan Kalyan

Deputy CM Pawan Kalyan Press Meet Live in Tadepalli: తాడేపల్లిలోని పంచాయతీరాజ్ శాఖ ప్రధాన కార్యాలయం నుంచి ఉప ముఖ్యమంత్రి పవన్ కళ్యాణ్ మీడియా సమావేశం నిర్వహించారు. అంతకు ముందు సాలిడ్ అండ్ లిక్విడ్ రీసోర్స్ మేనేజ్మెంట్ (SLRM) ప్రాజెక్టుపై ఏర్పాటు చేసిన ఫొటో ఎగ్జిబిషన్​ను ఆయన తిలకించారు. గురువారం విజయవాడలోని క్యాంపు కార్యాలయంలో పంచాయతీరాజ్ శాఖ ఇంజినీరింగ్ విభాగం అధికారులు, ఏషియన్ ఇన్ఫ్రాస్ట్రక్చర్ ఇన్వెస్ట్మెంట్ బ్యాంకు (ఏఐఐబీ) అధికారులతో ఉపముఖ్యమంత్రి సమీక్ష సమావేశం నిర్వహించారు. 250 మందికి మించి జనాభా కలిగిన ప్రతి గ్రామానికి రహదారుల అనుసంధానం చేయాల్సిన అవసరం ఉందని తెలిపారు. 2018-19 ఆర్థిక సంవత్సరంలో మొదలైన ఈ ప్రాజెక్టు ద్వారా గ్రామీణ ప్రాంతాల్లో నాణ్యతతో కూడిన రోడ్ల నిర్మాణం సాధ్యపడుతుందని ఆయన చెప్పారు. నెలకు రూ.200 కోట్లతో రహదారుల నిర్మాణం చేపడితే ఈ ప్రాజెక్టులో పురోగతి ఉంటుందని తెలిపారు. ఈ నేపథ్యంలో తాడేపల్లి నుంచి ఉప ముఖ్యమంత్రి పవన్ కళ్యాణ్ మీడియా సమావేశం ప్రత్యక్షప్రసారం మీకోసం