LIVE : మహబూబ్​నగర్​లో రైతు పండుగ ముగింపు వేడుక - హాజరైన సీఎం రేవంత్ రెడ్డి

CM Revanth Reddy On Rythu Festival In Mahabubnagar LIVE : ప్రజా విజయోత్సవాల్లో భాగంగా మహబూబ్​నగర్ వేదికగా రైతులకు సీఎం రేవంత్ రెడ్డి వరాల జల్లు కురిపించారు. సాంకేతిక కారణాలతో నిలిచిపోయిన రుణమాఫీ డబ్బులను విడుదల చేశారు. దాదాపు 3 లక్షల మంది రైతులకు రూ.3 వేల కోట్లను నాలుగో విడతగా రాష్ట్ర సర్కార్ అందించనుంది. రైతు పండుగ ముగింపు వేడుకల భారీ ఏడాది పాలనపై విమర్శలు గుప్పిస్తున్న విపక్షాలకు ధీటైన సమాధానం ఇచ్చారు. పదేళ్లలో బీఆర్ఎస్ చేయలేని పనులు కాంగ్రెస్ పదినెలల్లో చేసి చూపెట్టిందని అన్నారు. బీఆర్​ఎస్​ సరిగా పాలన చేసి ఉంటే రైతు రుణమాఫీ చేయాల్సి వచ్చేదా అంటూ సీఎం రేవంత్​ రెడ్డి ప్రశ్నించారు.రూ.11 వేల కోట్ల రుణమాఫీకి కేసీఆర్​ ఐదేళ్లు తీసుకున్నారు. కానీ తమ ప్రభుత్వం 25 రోజుల్లోనే 23 లక్షల కుటుంబాలుకు రూ.18 వేల కోట్ల రుణమాఫీ చేశామన్నారు. రుణమాఫీని అభినందించాల్సింది పోయి విమర్శిస్తారా అంటూ దుయ్యబట్టారు. పదేళ్లలో మీరు చేయలేని పని మేము చేస్తుంటే మీకు నొప్పి ఎందుకని అడిగారు. మీ నొప్పికి మా కార్యకర్తల దగ్గర మందు ఉందని స్థానిక సంస్థల ఎన్నికల్లో మీ సంగతి తేలుస్తామన్నారు.