LIVE : ఖమ్మంలోని వరద ప్రభావిత ప్రాంతాల్లో సీఎం రేవంత్​ రెడ్డి పర్యటన - CM Revanth Inspect Flood Areas LIVE

CM Revanth Reddy Inspect Flood Affected Areas in Khammam : రాష్ట్రవ్యాప్తంగా కురుస్తున్న వర్షాలపై మంత్రులు, అధికారులతో సీఎం రేవంత్​ రెడ్డి సమీక్ష నిర్వహించారు. ఈ సమీక్ష హైదరాబాద్​లోని కమాండ్​ కంట్రోల్​ సెంటర్​లో జరిగింది. ఈ సమావేశంలో హైదరాబాద్​లో ట్రాఫిక్​ సమస్య లేకుండా కమిషనర్లు చూడాలని సీఎం రేవంత్​ రెడ్డి ఆదేశించారు. వర్షాల వల్ల దెబ్బతిన్న రోడ్లను మరమ్మతులు చేయాలని అన్నారు. విద్యుత్​ సరఫరా సమస్యలను తక్షణమే పరిష్కరించాలని అధికారులకు ఆదేశాలిచ్చారు. ఖమ్మంలోని వరద సమస్యలపై అధికారులను సీఎం అడిగి తెలుసుకున్నారు. రాష్ట్రంలో వర్షాలపై కమాండ్ కంట్రోల్​ సెంటర్​లో సమీక్ష ముగిసిన అనంతరం రోడ్డు మార్గం ద్వారా సీఎం రేవంత్​ ఖమ్మం బయలుదేరారు. అక్కడికి చేరుకున్న తర్వాత వరద ప్రభావిత ప్రాంతాలను పరిశీలించారు. మున్నేరు వాగు చేసిన విధ్వంసాన్ని అధికారులు సీఎంకు వివరించారు. అనంతరం ఆ ప్రాంతాలను సీఎం రేవంత్​ రెడ్డి పర్యవేక్షించారు. వరద ప్రభావిత ప్రాంతాల్లోని ప్రజలకు రాష్ట్ర ప్రభుత్వం అన్ని విధాలుగా ఆదుకుంటుందని భరోసా కల్పించారు.