LIVE: 'ఇది మంచి ప్రభుత్వం' కార్యక్రమంలో పాల్గొన్న సీఎం చంద్రబాబు - ప్రత్యక్ష ప్రసారం - CM Good Government Programme LIVE

CM Chandrababu Participated in Good Government Programme Live : కూటమి ప్రభుత్వం అధికారం చేపట్టి 100 రోజులైన సందర్భంగా ' ఇది మంచి ప్రభుత్వం' అనే కార్యక్రమాన్ని ప్రభుత్వం నిర్వహిస్తుంది. ప్రస్తుతం ప్రకాశం జిల్లా సంతనూతలపాడు నియోజకవర్గం మద్దిరాలపాడు గ్రామంలో 'ఇది మంచి ప్రభుత్వం' కార్యక్రమంలో ముఖ్యమంత్రి నారా చంద్రబాబు నాయుడు పాల్గొన్నారు. 100 రోజుల పాలనలో ప్రభుత్వం అమలు చేసిన కార్యక్రమాలు, ఇచ్చిన హామీలు ఏ మేరకు అమలు చేసింది ప్రజల్లో తీసుకువెళ్లేందుకు ఈ కార్యక్రమం నిర్వహిస్తున్నారు. నాగులప్పలపాడు మండలం చదలవాడలో ఉన్న ఒక ప్రైవేట్ రిసార్ట్స్‌లో ముఖ్యమంత్రి హెలికాప్టర్ ల్యాండింగ్‌కు ఏర్పాట్లు చేశారు. ఈ మేరకు సీఎం పర్యటన ఏర్పాట్లను ప్రకాశం జిల్లా కలెక్టర్ తమీమ్ అన్సారియా, ఎస్పీ దామోదర్ ఏర్పాట్లు పరిశీలించారు. ముఖ్యమంత్రిగా 2024 జూన్ 12న నారా చంద్రబాబు నాయుడు ప్రమాణ స్వీకారం చేసి సెప్టెంబర్ 20కి 100 రోజులు అవుతోంది. ముఖ్యమంత్రిగా బాధ్యతలు చేపట్టినప్పటి నుంచి ఎన్నికల ప్రచారంలో ఇచ్చిన హామీలను అమలు చేయడమే లక్ష్యంగా అడుగులు వేస్తున్నారు. ప్రస్తుతం ముఖ్యమంత్రి నారా చంద్రబాబు మద్దిరాలపాడు గ్రామంలో 'ఇది మంచి ప్రభుత్వం' కార్యక్రమంలో పాల్గొన్నారు. ప్రత్యక్షప్రసారం మీకోసం.