మార్నింగ్ వాక్​కు వెళ్లిన వృద్ధుడిపై ఎద్దు భీకర దాడి- అక్కడికక్కడే మృతి

Bull Attacks Old Man Viral Video : మార్నింగ్​ వాక్​కు వెళ్లిన ఓ వృద్ధుడిపై ఎద్దు భీకర దాడి చేసింది. దీంతో తీవ్రగాయాలపాలైన వృద్ధుడు అక్కడికక్కడే చనిపోయారు. అందుకు సంబంధించిన దృశ్యాలు అక్కడే ఉన్న సీసీటీవీలో రికార్డయ్యాయి. ఈ విషాద ఘటన ఉత్తర్​ప్రదేశ్​లోని బరేలీ జిల్లాలో జరిగింది.  

అధికారులు తెలిపిన వివరాల ప్రకారం
బరేలీలోని బరాదరి పోలీస్​ స్టేషన్​ పరిధి సెంట్రల్​ స్టేట్ కాలనీలో కరుణ శంకర్​ పాండే(64) నివాసం ఉంటున్నారు. ఎప్పటిలాగే బుధవారం ఉదయం కూడా ఆయన మార్నింగ్​ వాక్​కు వెళ్లారు. ఇంతలో ఆయనకు సమీపానికి వచ్చిన ఓ ఎద్దు తీవ్రంగా దాడిచేసింది. దీంతో ఆ వృద్ధుడి తల, శరీర భాగాలపై తీవ్రగాయాలై అపస్మారక స్థితికి చేరుకున్నారు. అప్పటికీ ఎద్దు విడిచిపెట్టకుండా పలుమార్లు దాడి చేసింది. ఈ క్రమంలో ఆ వృద్ధుడు అక్కడికక్కడే ప్రాణాలు విడిచారు. విషయం తెలుసుకున్న మృతుడి కుటుంబ సభ్యులు స్థానికంగా ఉన్న ఓ ప్రైవేటు ఆస్పత్రికి తరలించారు. అప్పటికే ఆయన ప్రాణాలు కోల్పోయినట్లుగా డాక్టర్లు నిర్థరించారు. దీంతో వృద్ధుడి కుటుంబం విషాదంలో మునిగిపోయింది.