పులివెందులకు వచ్చిన జగన్‌ను ప్రాంత వాసులు నిలదీయాలి: బీటెక్‌ రవి - BTech Ravi on YS Jagan

BTech Ravi Comments on YS Jagan Coming to Pulivendula: వైఎస్ జగన్మోహన్ రెడ్డి తన సొంత నియోజకవర్గమైన పులివెందులకు వస్తున్న సందర్భంగా ఈ ప్రాంత వాసులు ఆయన్ని నిలదీయాలని పులివెందుల టీడీపీ ఇన్​ఛార్జీ బీటెక్ రవి సూచించారు. రాష్ట్రంలో భారీగా తెలుగుదేశం పార్టీ గాలి వీసిన సందర్భంలో కూడా ఈ నియోజకవర్గ ప్రజలు జగన్మోహన్ రెడ్డిని గెలిపించారని ఆ కృతజ్ఞతతో అయిన ఈ ప్రాంతంలో చేసిన అభివృద్ధి పనులకు బిల్లులు చెల్లించే విధంగా జగన్​ను నిలదీయాలని బీటెక్ రవి కోరారు. పులివెందుల అభివృద్ధి కోసం ఏర్పాటు చేసిన పాడా నుంచి 700 కోట్ల రూపాయలతో ఈ ప్రాంతంలో అనేకమంది గుత్తే దారులు పనులు చేశారని కానీ ఆ బిల్లులు చెల్లించకుండానే జగన్మోహన్ రెడ్డి దిగిపోయారని గుర్తు చేశారు. కౌంటింగ్​కు రెండు రోజుల ముందు కూడా పెద్దిరెడ్డి రామచంద్రారెడ్డి సంస్థకు నిధులు విడుదల చేసిన జగన్మోహన్ రెడ్డి పులివెందుల ప్రాంత వాసులకు ఎందుకు విడుదల చేయలేక పోయారని ప్రశ్నించారు. ఈరోజు పులివెందులకు వచ్చిన సందర్భంగా నిలదీయాలని బీటెక్ రవి గుర్తు చేశారు.