శుభకార్యానికి వెళ్లి వస్తుండగా ఆటో బోల్తా - 13 మందికి తీవ్ర గాయాలు

Auto Overturned 13 were Severly Injured at Uravakonda: శుభకార్యానికి వెళ్లి తిరిగి వస్తుండగా ప్రయాణికుల ఆటో బోల్తా (Auto Overturn) పడింది. ఈ ప్రమాదంలో (accident) 13 మందికి తీవ్ర గాయాలయ్యాయి. నలుగురు పరిస్థితి విషమంగా ఉంది. ఈ ఘటన అనంతపురం ఉరవకొండ శివారులో చోటు చేసుకుంది. క్షతగాత్రులు అనంతపురం జిల్లా వజ్రకరూరు మండలం పందికుంట గ్రామానికి చెందిన వారిగా గుర్తించారు. గాయపడిన (injured) వారిని స్థానికులు హుటాహుటిన ప్రైవేట్ వాహనంలో ఆసుపత్రికి తరలించారు. క్షతగాత్రుల్లో నలుగురు పరిస్థితి విషమంగా ఉండడంతో మెరుగైన చికిత్స కోసం అనంతపురం ఆసుపత్రికి తరలించారు.

Road Accident in Nandyal District: ఈరోజు ఉదయం నంద్యాల జిల్లాలో ఆగి ఉన్న లారీని కారు ఢీకొన్న ఘటనలో ఐదుగురు ప్రాణాలు కోల్పోయారు. ఆళ్లగడ్డ మండలం నల్లగట్ల వద్ద ఈ దుర్ఘటన చోటు చేసుకుంది. మృతులంతా తెలంగాణ రాష్ట్రంలోని సికింద్రాబాద్‌లోని వెస్ట్‌ వెంకటాపురానికి చెందినవారిగా గుర్తించారు. తిరుమల శ్రీవారిని దర్శించుకుని తిరిగి వెళ్తుండగా ప్రమాదం జరిగింది.