LIVE : తిరుమలలో మీడియాతో మాట్లాడుతున్న ఏపీ సీఎం చంద్రబాబు - Chandrababu Visit Tirumala Live

Chandrababu Press Meet In Tirumala Live : శ్రీవారి దర్శనం కోసం ఏపీ ముఖ్యమంత్రి చంద్రబాబు కుటుంబ సమేతంగా తిరుమల చేరుకుని స్వామి దర్శనం చేసుకున్నారు. అనంతరం మీడియా సమావేశం ఏర్పాటు చేసి మాట్లాడుతున్నారు. అంతకుముందు బుధవారం రోజున ప్రమాణస్వీకారం అనంతరం ప్రత్యేక విమానంలో తిరుపతి విచ్చేశారు. రేణిగుంట విమానాశ్రయంలో పార్టీ నేతలు, అధికారులు ఘన స్వాగతం పలికారు. తిరుమల వెళ్తూ తిరుపతిలోని తెలుగుదేశం కార్యాలయం వద్ద వాహన శ్రేణి ఆపి కార్యకర్తలకు అభివాదం చేసి వెళ్లారు. రాత్రి తిరుమలలోని శ్రీగాయత్రి నిలయానికి చేరుకున్నారు. కుటుంబ సభ్యులతో కలిసి ఈరోజు ఉదయం వీఐపీ బ్రేక్‌ సమయంలో కుటుంబసమేతంగా శ్రీవారిని దర్శించుకున్నారు. దర్శనానంతరం వేద పండితులు రంగనాయకుల మండపంలో సీఎం కుటుంబసభ్యులను ఆశీర్వదించి తీర్థ ప్రసాదాలు అందజేశారు. అఖిలాండం వద్ద కొబ్బరికాయలు కొట్టి చంద్రబాబు మొక్కులు చెల్లించుకున్నారు. తిరుమల పెద్ద జీయర్‌ మఠానికి వెళ్లి చంద్రబాబు ఆశీర్వచనం తీసుకున్నారు. చంద్రబాబు వెంట ఆయన సతీమణి భువనేశ్వరి, కుమారుడు లోకేశ్‌, కోడలు బ్రాహ్మణి, మనవడు దేవాంశ్‌ ఉన్నారు. సీఎంను చూసేందుకు వైకుంఠం క్యూక్లాంపెక్స్‌ వద్దకు టీడీపీ కార్యకర్తలు, నాయకులు భారీగా తరలివచ్చారు.