ఈనెల 24న ఏపీ కేబినెట్ సమావేశం - హామీల అమలు, రాజధాని, పోలవరం నిర్మాణాలపై కీలక చర్చ - AP Cabinet Meet on June 24th

Cabinet Meeting June 24th in AP : రాష్ట్రంలో కొత్త ప్రభుత్వం కొలువుదీరిన తర్వాత జరగనున్న తొలి మంత్రివర్గ సమావేశం జరగనుంది. ఈ నెల 24వ తేదీన సచివాలయంలో ఉదయం 10:00 గంటలకు ముఖ్యమంత్రి చంద్రబాబు నాయుడు అధ్యక్షతన కేబినెట్ భేటీ కానుంది. ప్రభుత్వ ప్రాధాన్యతలపై చంద్రబాబు దిశానిర్దేశం చేయనున్నారు. ఎన్నికల్లో ఇచ్చిన హామీల అమలు, రాజధాని, పోలవరం నిర్మాణాలపై మంత్రిమండలిలో కీలక చర్చ జరుగనుంది. 

AP New Cabinet Meet 2024 : మొత్తం ఎనిమిది శాఖలపై శ్వేత పత్రాల విడుదలపై కేబినెట్​లో నిర్ణయం తీసుకునే అవకాశం ఉంది. రాష్ట్ర ఆర్ధిక పరిస్థితిపై ప్రత్యేక ప్రస్తావన వచ్చే అవకాశం ఉంది. ఇప్పటికే ఆంధ్రప్రదేశ్​కు ఉన్న అప్పులపై ప్రాథమిక సమాచారాన్ని కొత్త ప్రభుత్వం తెప్పించుకుంది. రూ.14 లక్షల కోట్లపైగా ఏపీకి అప్పుల భారం ఉందని సర్కార్​కు సమాచారం వచ్చింది. గత ప్రభుత్వంలో జరిగిన అవినీతి వ్యవహారాలపై విచారణ చేపట్టే అంశంపై మంత్రిమండలిలో కీలక ప్రస్తావన చేసే అవకాశం ఉంది.