భారీ వర్షాలకు ఉప్పల్​లో కుంగిన రోడ్డు - గుంతలో ఇరుక్కుపోయిన కారు చక్రం - pothole has formed on Uppal Road

Pothole Has Formed On Uppal Road : హైదరాబాద్​లో ఇటీవల కురిసిన కుండపోత వర్షాల కారణంగా ఉప్పల్​లోని వరంగల్​ జాతీయ రహదారి కొంతభాగం కుంగింది. ఉప్పల్​లోని వరంగల్ జాతీయ రహదారిపై నిర్మిస్తున్న కారిడార్​ రెండు పిల్లర్ల పక్కన రోడ్డు కుంగి గుంత ఏర్పడింది. ఈ కుంగిన ప్రాంతంలోనే ఓ కారు చక్రం దిగిపోయింది. అతి కష్టం మీద వాహనాన్ని బయటకు తీశారు. పిల్లర్​ చుట్టూ వర్షం ధాటికి మట్టి భూమిలోకి కూరుకుపోవడంతో చీరికలు ఏర్పడ్డాయి. 

కాగా వాహనదారులకు ఎలాంటి ఇబ్బందులు లేనప్పటికీ ఈ మార్గంలో వాహనాలు నిదానంగా ముందుకు సాగుతున్నాయి. గత రెండు రోజులుగా నగరంలో కురిసిన ఎడతెరిపిలేని వర్షాలకు హైదరాబాద్​లో లోతట్టు ప్రాంతాలు జలమయమయ్యాయి. దీంతో వాహనదారులు పాదచారులు ఇబ్బందులు పడ్డారు. డ్రైనేజీ రోడ్లపై మురుగునీరు ప్రవహించడంతో పలు కాలనీలు దుర్గంధంలో చిక్కుకున్నాయి. వరదనీరు రోడ్లపైకి ప్రవహించింది. దీంతో ప్రయాణీాకులు ఇబ్బందులకు ఎదురయ్యాయి. లోతట్టు ప్రాంతాలు నిండుకుండలను తలపించాయి.