WhatsApp Nearby Sharing Feature : ప్రముఖ మెసేజింగ్ యాప్ వాట్సాప్ త్వరలో 'నియర్బై షేర్' ఫీచర్ను తీసుకొచ్చేందుకు సన్నాహాలు చేస్తోంది. ప్రస్తుతం ఇది బీటా యూజర్లకు మాత్రమే అందుబాటులోకి వచ్చింది. ఇదే కనుక అందరికీ అందుబాటులోకి వస్తే, వాట్సాప్ యూజర్లు తమ సమీపంలోని వ్యక్తులకు చాలా సేఫ్గా ఫైల్స్, ఫొటోస్, వీడియోస్ పంపించడానికి వీలవుతుంది.
సురక్షితంగా షేరింగ్
Upcoming WhatsApp Features : ఆండ్రాయిడ్ ఫోన్లలో ఇప్పటికే నియర్బై షేర్ ఫీచర్ ఉంది. దీని ద్వారా ఇంటర్నెట్ లేకుండానే, దగ్గర్లోని వ్యక్తులకు చాలా సులువుగా వీడియోస్, ఫొటోస్, ఫైల్స్ పంపించడానికి వీలవుతోంది. యాపిల్ ఫోన్లలో ఎయిర్డ్రాప్ ఫీచర్ కూడా ఇలానే పని చేస్తుంది. ఇది యూజర్లకు ఎంతో ఉపయోగకరంగా ఉంటోంది. అందుకే దీనిని తమ యూజర్లకు కూడా తీసుకువచ్చేందుకు వాట్సాప్ ప్రయత్నిస్తోంది. ప్రస్తుతం ఈ నియర్బై షేర్ ఫీచర్ను వాట్సాప్ 2.24.2.17 బీటా వెర్షన్లో టెస్ట్ చేస్తోంది. త్వరలోనే ఇది యూజర్లందరికీ అందుబాటులోకి వచ్చే అవకాశం ఉంది.
వాట్సాప్ తెస్తున్న ఈ నియర్బై షేరింగ్లో ఎండ్-టు-ఎండ్ ఎన్క్రిప్షన్ ఉంటుంది. అంతేకాదు వాట్సాప్లోని మీ ఫోన్ నంబర్ అవతలి వ్యక్తికి (కాంటాక్ట్ లిస్ట్లో లేనివారికి) కనిపించదు. అందువల్ల యూజర్ల ప్రైవసీకి ఎలాంటి ఇబ్బంది ఏర్పడదు.
పీపుల్ నియర్బై
గతంలో చాలా మంది యూజర్లు ఫొటో, ఆడియో, వీడియో, డాక్యుమెంట్ షేరింగ్ కోసం 'షేర్ ఇట్‌' అనే యాప్‌ను ఉపయోగించేవారు. దానిపై కేంద్ర ప్రభుత్వం నిషేధం విధించింది. దీనితో గూగుల్ తమ యూజర్ల కోసం ఆండ్రాయిడ్ ఓఎస్‌లో 'నియర్బై షేర్' ఫీచర్ను తీసుకొచ్చింది. దీనితో ఒకేసారి చాలా మందికి ఫైల్స్ పంపవచ్చు. ముఖ్యంగా ఎలాంటి కేబుల్స్, నెట్వర్క్ అవసరం లేకుండా డివైజ్‌ టు డివైజ్‌ కనెక్టివిటీతో ఫైల్స్ షేర్ చేసుకోవచ్చు. ఈ తరహా ఫీచర్ను వాట్సాప్ 'పీపుల్ నియర్బై'గా పరిచయం చేయనుందని సమాచారం. ఫోన్‌లో వాట్సాప్ యాప్ ఓపెన్‌ చేసి డివైజ్‌ను కదిపితే, షేర్ రిక్వెస్ట్‌ వెళుతుంది. దానికి ఆమోదం తెలిపితే, వెంటనే ఫైల్‌ షేరింగ్ ప్రక్రియ ప్రారంభమవుతుంది.
వాట్సాప్ ఛానల్ ఫీచర్స్
WhatsApp Channel Features : వాట్సాప్ ఛానల్స్ కోసం కూడా పలు నయా ఫీచర్లు అందుబాటులోకి వచ్చాయి. వీటిలో వాయిస్ అప్డేట్స్, పోల్స్, షేర్ టు స్టేటస్, మల్టిపుల్ అడ్మిన్స్ ప్రధానమైనవి.
- వాయిస్ అప్డేట్స్ : ఈ ఫీచర్ ద్వారా ఛానల్ అడ్మిన్స్ తమ ఫాలోవర్లకు వాయిస్ మెసేజ్లు పంపించవచ్చు.
- పోల్స్ : ఈ ఫీచర్ ద్వారా వాట్సాప్ ఛానల్స్ తమ యూజర్ల అభిప్రాయాలను తెలుసుకునేందుకు పోల్స్ నిర్వహించుకోవచ్చు.
- షేర్ టు స్టేటస్ : ఈ ఫీచర్ ద్వారా వాట్సాప్ ఛానల్స్లోని మెసేజ్లను, యూజర్లు తమ స్టేటస్గా పెట్టుకోవచ్చు.
- మల్టిపుల్ అడ్మిన్స్ : ప్రొఫెషనల్ ఛానల్స్ను నిర్వహించేందుకు ఒక అడ్మిన్ సరిపోడు. అందువల్ల వాట్సాప్ ఛానల్ మెయింటైన్ చేయడానికి చాలా మంది అడ్మిన్లు అవసరం అవుతారు. అందుకోసమే వాట్సాప్ ఈ మల్టిపుల్ అడ్మిన్స్ ఫీచర్ను తీసుకువచ్చింది.
రూ.20 వేల బడ్జెట్లో మంచి స్మార్ట్ఫోన్ కొనాలా? టాప్-5 ఆప్షన్స్ ఇవే!
