వాట్సాప్​లో ఇంట్రస్టింగ్ చాట్ మెమరీ ఫీచర్!- ఇది ఎలా పనిచేయనుందంటే?

చాట్ రికార్డింగ్ ఫీచర్ తీసుకొచ్చే పనిలో వాట్సాప్- దీని ఉపయోగాలు తెలిస్తే ఆశ్చర్యపోవడం ఖాయం!!!

Whatsapp Chat Recording Feature: ప్రముఖ మెసేజింగ్‌ యాప్‌ వాట్సాప్‌ మరో ఇంట్రస్టింగ్ ఫీచర్​ను తీసుకొచ్చేందుకు కసరత్తు చేస్తోంది. ఈ ఫీచర్​ మెటా ఏఐతో షేర్​ చేసిన పర్సనల్ డేటాను రికార్డ్ చేసేందుకు ఉపయోగపడనుంది. ఆ తర్వాత మనకు అవసరమైనప్పుడు కావాల్సిన సమాచారం, సూచనలను ఇవ్వనుంది. ఈ మేరకు వాట్సాప్ చాట్ మెమరీ ఫీచర్​పై పనిచేస్తోందని WABeta నివేదిక వెల్లడించింది.

ఈ ఏడాది ప్రారంభంలో మెటా.. వాట్సాప్​కు మెటా ఏఐ ఫీచర్​ను తీసుకొచ్చింది. తర్వాత ఈ గో-టు మెసెంజర్​ యాప్ దాన్ని మరింత యూజర్​ ఫ్రెండ్లీగా మార్చేందుకు పని చేస్తోంది. ఈ క్రమంలో వాట్సాప్ చాట్ మెమరీ అనే కొత్త ఫీచర్​ను తీసుకొచ్చేందుకు రెడీ అవుతోంది. వ్యక్తిగత సహాయాన్ని మెరుగ్గా వ్యక్తిగతీకరించడం, Meta AIకి పంపించిన అవసరమైన ఇన్ఫర్మేషన్​ను రికార్డ్ చేయటమే ఈ ఫీచర్ లక్ష్యం. ఉదాహరణకు మీరు వెజిటేరియన్ అని చాట్ అసిస్టెంట్‌కు తెలిస్తే దానికి అనుగుణంగా అది రెసిపీస్​ను షేర్ చేస్తుంది.

చాట్‌బాట్‌తో గతంలో షేర్​ చేసిన వివరాలను ఆటోమెటిక్​గా గుర్తుచేసేందుకు ఏఐని మెటా అనుమతిస్తుంది. ఈ ఫీచర్ వినియోగదారులకు వారి ప్రాధాన్యతల గురించి Meta AI ద్వారా స్టోర్ చేసిన సమాచారం ఆధారంగా మరింత సంబంధిత సమాచారాన్ని అందిస్తుంది. వెజిటేరియన్, బర్త్​డే, పర్సనల్ ప్రిఫెరెన్స్​, ఫార్మల్ టోన్ ఆఫ్ కాన్వర్జెషన్ వంటి వాటితో సహా వ్యక్తిగత వివరాలను ఏఐ గుర్తుంచుకోగలదు. అదనంగా ఇది ఫేవరెట్ బుక్స్, డాక్యుమెంటరీస్, పాడ్​క్యాస్ట్​ల వంటి వాటితో సహా అలెర్జీస్, ఆసక్తులను ట్రాక్ చేస్తుంది.

మెటా ఏఐ ఇంటరాక్షన్​తో పర్సనలైజేషన్​ను ఇంప్రూవ్ చేసుకునేందుకు ఈ మెమరీ ఫీచర్​ను రూపొందిస్తున్నారు. ఇది యూజర్స్ ప్రాధాన్యతలు, జీవనశైలికి సరిపోయే రికమండీషన్స్, సూచనలు, ఫీడ్​బ్యాక్​ను అందిస్తుంది. ఉదాహరణకు ఒక యూజర్​ ఫుడ్ రికమండీషన్స్ అడిగితే వారికి ఇష్టంలేని, అలెర్జీ అని ఇంతకుముందు మెటా ఏఐకి షేర్​ చేసిన సమాచారాన్ని గుర్తుపెట్టుకుని వారికి సరిపడా సూచనలను ఇస్తుంది. అంటే ఈ మెటా ఏఐ పర్సనల్​ అసిస్టెంట్​గా ఉపయోగపడుతుందన్న మాట. నివేదిక ప్రకారం.. మెటా ఏఐ సేవ్​ చేసుకునే వాటిపై యూజర్స్​కు పూర్తి నియంత్రణ ఉంటుంది. వారు స్పెసిఫిక్ ఇన్ఫర్మెషన్​ను అప్​డేట్​ లేదా డిలీట్ చేసుకోవచ్చు.

గతంలో అనేక కంపెనీలు ఈ 'మెమరీ' అంశంపై చర్చించాయి. ఈ నేపథ్యంలోనే మైక్రోసాఫ్ట్.. రీకాల్ అనే ఫీచర్​ను రూపొందించింది. అదే విధంగా Google Pixel.. స్క్రీన్‌షాట్స్​ను తీసుకొచ్చింది. ఇది రీకాల్​.. మైల్డెర్, చాలా సెన్సిటివ్ వెర్షన్. ఈ Pixel స్క్రీన్‌షాట్‌తో కేవలం స్క్రీన్‌షాట్స్​ను మాత్రమే రికార్డ్ చేయటానికి వీలుపడుతుంది. అయితే ప్రస్తుతం వాట్సాప్ తీసుకొచ్చేందుకు సిద్ధమవుతున్న ఈ కొత్త ఫీచర్​తో తమకు కావాల్సిన వాటిని సేవ్​ చేసుకోవచ్చు. ప్రస్తుతం ఈ ఫీచర్​ ప్రోగ్రెస్​లో ఉంది. అయితే ఈ ఫీచర్​పై పూర్తి సమాచారాన్ని వాట్సాప్ ఇంకా పంచుకోలేదు.