Whatsapp Introduces Voice Note Transcripts: ప్రస్తుతం వాట్సాప్ మన నిత్య జీవితంలో ఒక భాగం అయిపోయింది. ఇది సులువుగా, త్వరగా మెసేజ్లు పంపడానికి, స్వీకరించడానికి వీలుగా ఉంటుంది. అందుకే ప్రపంచంలో అత్యంత ప్రజాదరణ పొందిన మెసెజింగ్ యాప్లలో వాట్సాప్ మొదటి స్థానంలో నిలిచింది. ఈ నేపథ్యంలో వాట్సాప్ తన కస్టమర్ల కోసం ఎప్పటికప్పుడు కొత్త అప్డేట్స్ తీసుకుని వస్తుంది. తాజాగా వాయిస్ నోట్ ట్రాన్స్క్రిప్ట్స్ అనే కొత్త ఫీచర్ను తీసుకొచ్చింది. మరెందుకు ఆలస్యం ఈ కొత్త ఫీచర్ గురించి మరిన్ని వివరాలను తెసుకుందాం రండి.
ఏంటీ వాయిస్ నోట్ ట్రాన్స్క్రిప్ట్స్?:
- వాట్సాప్ తీసుకొచ్చిన ఈ సరికొత్త ఫీచర్ కమ్యూనికేషన్ను మరింత సులభతరం చేస్తుంది.
- ఈ ఫీచర్తో మనకొచ్చే వాయిస్ మెసేజ్ టెక్ట్స్ రూపంలో కనిపిస్తుంది.
- ఆడియో మెసెజ్ వినలేని సందర్భాల్లో, అవతలి వ్యక్తి పంపించిన వాయిస్ మెసెజ్ను టెక్ట్స్ రూపంలో రాసుకోవాల్సిన సందర్భంలో ఈ ఫీచర్ ఉపయోగపడుతుంది.
- ముఖ్యంగా ప్రయాణంలో ఉన్నప్పుడు వాయిస్ మెసెజెస్ను అర్థం చేసుకోవడం, ఇంకా రిప్లై ఇవ్వటాన్ని ఇది సులభతరం చేస్తుంది.
- ప్రస్తుతం ఈ కొత్త ఫీచర్ ఇంగ్లీష్, హిందీతో పాటు పోర్చుగీసు, స్పానిష్, రష్యన్ భాషలకు సపోర్ట్ చేస్తుంది.
ఈ ఫీచర్ యాక్టివేట్ చేసుకోవడం ఎలా?:
- ఈ ఫీచర్ యాక్టివేట్ చేయడానికి మొదట వాట్సప్‌ సెట్టింగ్స్‌లోకి వెళ్లి చాట్స్ అనే ఆప్షన్ ఎంచుకోవాలి.
- అక్కడ ఈ ఫీచర్ అందుబాటులోకి వచ్చి ఉంటే ట్రాన్‌స్క్రిప్షన్‌ ఆఫ్‌/ ఆన్‌ అనే ఆప్షన్లు కనిపిస్తాయి.
- ఒకసారి యాక్టివేట్ చేసుకున్నాక వచ్చిన వాయిస్ నోట్స్‌ను టెక్ట్స్ రూపంలోకి మార్చుకోవడానికి దాని కిందే ఓ ఆప్షన్ కనిపిస్తుంది.
- వాయిస్ నోట్ ఆప్షన్ను ఎనేబుల్ చేసిన తర్వాత మీ చాట్స్లో అందుకున్న వాయిస్ మెసెజెస్ టెక్ట్స్ రూపంలోకి వస్తుంది.
- అంతే ఇలా సింపుల్ ప్రాసెస్లో వాయిస్ నోట్ ట్రాన్‌స్క్రిప్షన్‌ ఫీచర్ను యాక్టివేట్ చేసుకోవచ్చు. ఈ ఫీచర్ ద్వారా మీరు వాయిస్ మెసెజెస్ను వినకుండానే వాటిని సులభంగా చదవవచ్చు, ఇంకా రిప్లై కూడా ఇవ్వొచ్చు.
- ప్రస్తుతం ఆండ్రాయిడ్ ఫోన్లలో కొందరికి మాత్రమే ఈ ఫీచర్ అందుబాటులోకి వచ్చింది. త్వరలో అందరూ ఈ కొత్త ఫీచర్ను వినియోగించుకునేందుకు వీలవుతుంది. వాట్సప్‌ వెబ్‌ వెర్షన్‌లో ఈ ఆప్షన్ కనిపించదు.
'లవ్'.. ఈ పేరు వినగానే మీ బ్రెయిన్లో ఏం జరుగుతుందో తెలుసా? - Scientists FOUND How Love Lights Up
ఎయిర్‌టెల్‌ యూజర్లకు షాక్- 'వింక్ మ్యూజిక్ యాప్కు గుడ్బై' - Airtel to Shut Down Wynk Music App
