Smartphone Safety Tips : ఫోన్ పోగొట్టుకోవడం సాధారణ విషయంగా మారిపోయింది. కొందరు నిర్లక్ష్యంగా ఫోన్ కోల్పోతే.. మరికొందరి నుంచి దొంగలు చాకచక్యంగా కొట్టేస్తారు. ఫోన్ మన చేతి నుంచి పోయిందంటే.. ఇక దానిమీద చాలా వరకు ఆశలు వదిలేసుకోవడమే. ఫోన్ తిరిగి దక్కించుకోవడానికి కొన్ని మార్గాలు అందుబాటులోకి వచ్చినప్పటికీ.. వంద శాతం సక్సెస్ రేటు లేదు. అయితే.. ఆ మార్గాలతోపాటు మీ ఫోన్ సెట్టింగ్స్లో చిన్న మార్పు చేయడం ద్వారా ఈజీగా మీ మొబైల్ను కనిపెట్టొచ్చని చెబుతున్నారు నిపుణులు!
ఫోన్ను పొరపాటున చేజార్చుకున్నా.. దొంగలు కొట్టేసినా.. వారు చేసే మొదటి పని దాన్ని స్విచ్ ఆఫ్ చేయడం. ఆ తర్వాత ఫోన్లో ఉన్న సిమ్‌ను కార్డును తీసేసి కొత్త సిమ్ వేసి వాడుకుంటూ ఉంటారు. లేదంటే.. తక్కువ ధరల్లో ఎవరో ఒకరికి అమ్మేసుకుంటారు. అయితే.. ఫోన్ పోయిన తర్వాత దొరకబట్టడానికి కొన్ని మార్గాలు వచ్చాయి. Central Equipment Identity Register (CEIR) వంటివి అమల్లోకి వచ్చాయి. అయితే, ఫోన్ దొంగిలించిన వారు.. అసలు ఆ ఫోన్ స్విచ్ఛాఫ్ చేయకుండా చేయడం ద్వారా.. మరింత త్వరగా దాన్ని కనిపెట్టే ఛాన్స్ ఉంటుందని టెక్‌ నిపుణులు చెబుతున్నారు. ఇందుకోసం.. ఫోన్లో కొన్ని సెట్టింగ్స్ చేస్తే సరిపోతుందని అంటున్నారు.
ఈ సెట్టింగ్ మార్చడం ద్వారా.. ఫోన్ ఆన్ చేయడానికి మీ పాస్వర్డ్ ఎలాగైతే ఎంటర్ చేయాలో.. ఫోన్ స్విచ్ ఆఫ్ చేయడానికి కూడా ఆ పాస్వర్డ్ ఎంటర్ చేయాల్సి ఉంటుంది. మీ పాస్ వర్డ్ ఏంటో వారికి తెలిసే అవకాశం ఉండదు కాబట్టి.. ఫోన్ స్విచ్ఛాఫ్ చేయలేరు. మరి ఇందుకోసం సెట్టింగ్స్లో ఎలాంటి ఛేంజెస్ చేయాలో ఇప్పుడు చూద్దాం.
ఐఫోన్ యూజర్లకు అలర్ట్ - iOSలోకి తొలిసారి వైరస్ ఎంట్రీ! మీ బ్యాంక్ అకౌంట్ జర భద్రం!
- ముందుగా మీ స్మార్ట్ ఫోన్‌లోని సెట్టింగ్స్ ఆప్షన్పై క్లిక్ చేయండి.
- స్క్రీన్ను కిందకు స్క్రోల్ చేస్తే పాస్వర్డ్ అండ్‌ సెక్యూరిటీ(Password & Security) ఆప్షన్ కనిపిస్తుంది. ఇప్పుడు ఆ ఆప్షన్పై క్లిక్ చేయండి.
- ఆ తర్వాత అందులో సిస్టమ్‌ సెక్యూరిటీ(System Security) అనే ఆప్షన్ కనిపిస్తుంది. దానిపై క్లిక్ చేయాలి.
- తర్వాత డివైజ్ సెక్యూరిటీ(Device Security) సెక్షన్లో రిక్వైర్ పాస్వర్డ్ టూ పవర్ ఆఫ్(Require Password to Power Off) అనే ఆప్షన్ కనిపిస్తుంది.
- దానిని క్లిక్ చేసి పవర్ ఆఫ్ బటన్ ఎనేబుల్ చేయాలి.
- ఆ తర్వాత బ్యాక్ వచ్చి.. ఫైండ్‌ మై డివైజ్(Find My Device) ఆప్షన్ను కూడా ఎనేబుల్ చేసుకోవాలి.
- ఇంతటితో సెట్టింగ్స్ కంప్లీట్ అయిపోయినట్టే.
- ఇక నుంచి పాస్వర్డ్ లేనిది మీ ఫోన్ స్విచ్ ఆఫ్ కాదు.
జీమెయిల్ యూజర్లకు గుడ్ న్యూస్ - email reply కోసం చాట్-స్టైల్ ఇంటర్ఫేస్
చూశారుగా.. ఫోన్లో ఈ సెట్టింగ్స్ మార్చడం వల్ల మీ ఫోన్ స్విచ్ ఆఫ్ కాకుండా చేయవచ్చు. ఇప్పుడు మీ ఫోన్కు కాల్స్ చేసి.. ఎక్కడ ఉందో తెలుసుకునే ప్రయత్నం చేయవచ్చు. ఒకవేళ వారు కాల్ లిఫ్ట్ చేయకపోయినా.. మీ ఫోన్ ఏ సెల్ టవర్ పరిధిలో ఉందో ఈజీగా గుర్తించొచ్చు. CEIR వంటి మార్గాల ద్వారా త్వరగా ఫోన్ రికవరీ చేసుకోవచ్చు. సో.. ఇక లేట్ చేయకుండా ఈ సెట్టింగ్ మార్చుకోండి.
NOTE : సెట్టింగ్స్ స్టెప్ బై స్టెప్ అనేవి.. ఫోన్ మోడల్ను బట్టి మారొచ్చు. ఆప్షన్స్ మాత్రం అవే ఉంటాయి. చూసుకొని మార్చుకోండి.
