Gen-AI Smartphones: ప్రస్తుతం ప్రపంచ వ్యాప్తంగా ఆర్టిఫిషియల్ ఇంటెలిజెన్స్ వినియోగం భారీగా పెరుగుతోంది. ఇది దాదాపు అన్ని రంగాలకు వ్యాపిస్తోంది. చాలావరకు అన్ని సంస్థలు ఏఐను ఉపయోగిస్తున్నాయి. ఈ క్రమంలో జెనరేటివ్ ఆర్టిఫిషియల్ ఇంటెలిజెన్స్ (Gen AI) స్మార్ట్ఫోన్ ఇండస్ట్రీపై కూడా ప్రభావం చూపేందుకు సిద్ధంగా ఉందని తాజా నివేదిక వెల్లడించింది. 2028 నాటికి Gen AI స్మార్ట్ఫోన్ల షిప్‌మెంట్స్ 730 మిలియన్ యూనిట్లకు మించి ఉంటాయని పేర్కొంది.
అంచనాలకు మించి: ఈ ఏడాది GenAI స్మార్ట్ఫోన్ల షిప్‌మెంట్ వాటా 19 శాతానికి చేరుకుంటుందని, 2028 నాటికి 54 శాతానికి చేరుకోవచ్చని కౌంటర్ పాయింట్ రీసెర్చ్ తెలిపింది. ఈ వృద్ధి 2024లో అంచనా వేసిన స్థాయి కంటే 3 రెట్లు పెరుగుతుందని నివేదిక పేర్కొంది.
కౌంటర్ పాయింట్ రీసెర్చ్ నివేదిక ప్రకారం.. ఈ ఏడాది గ్లోబల్ Gen AI స్మార్ట్ఫోన్ మార్కెట్లో 75 శాతానికి పైగా శామ్‌సంగ్, యాపిల్ ఆక్రమించుకునేందుకు సిద్ధంగా ఉన్నాయి. ఇవి ముఖ్యంగా అభివృద్ధి చెందిన మార్కెట్లో స్ట్రాంగ్ ప్రెజన్స్తో ప్రీమియం సెగ్మెంట్లో ఆధిపత్యం చెలాయిస్తున్నాయి. ఇవి ప్రీమియం సెగ్మెంట్లో టాప్ బ్రాండ్స్గా కొనసాగుతూ కస్టమర్లను ఆకర్షిస్తున్నాయి.
అధిక ఆదాయం, న్యూ టెక్నాలజీపై ఆసక్తి, ముఖ్యంగా అభివృద్ధి చెందిన ప్రాంతాల్లో హై-ఎండ్ స్మార్ట్‌ఫోన్‌లకు డిమాండ్ ఉందని ఈ నివేదిక పేర్కొంది. సెమీకండక్టర్ సెక్టార్ గణనీయమైన వృద్ధిని సాధిస్తోంది. ఇది 2030 నాటికి $339 బిలియన్లకు చేరుతుందని అంచనా. ముఖ్యంగా ఆన్-డివైస్ GenAI ఇంప్లిమెంటేషన్తో ఇది సాధ్యమవుతుంది. టెక్నాలజీ 2030 నాటికి సెమీకండక్టర్ వ్యయాన్ని దాని బిల్ ఆఫ్ మెటీరియల్స్ (BoM)లో 45 శాతానికి పెంచుతుందని నివేదిక పేర్కొంది.
Gen AI స్మార్ట్ఫోన్ ఇండస్ట్రీని పూర్తిగా మార్చేస్తోంది. ఇది బిగ్ స్క్రీన్స్, ఫాస్టర్ ప్రాసెసర్స్, కెమెరా వంటి హార్ట్వేర్ వంటి వాటితో యూజర్స్కు మంచి ఎక్స్పీరియన్స్ను అందించడంపై ఫోకస్ చేస్తోంది. దీంతో స్మార్ట్ఫోన్ ఒరిజినల్ ఎక్విప్‌మెంట్ తయారీదారుల (OEMs) మధ్య పోటీ మరింత ఎక్కువగా ఉండనుందని ఈ నివేదిక తెలిపింది.
యాపిల్ ఇంటెలిజెన్స్తో మినీ ఐప్యాడ్ లాంచ్- స్టూడెంట్స్కు స్పెషల్ ఆఫర్..!
