Bajaj New Chetak: ప్రముఖ ఆటో మొబైల్‌ కంపెనీ బజాజ్ ఆటో ప్రసిద్ధి చెందిన తన చేతక్ ఎలక్ట్రిక్ స్కూటర్ కొత్త వెర్షన్ను లాంఛ్ చేసేందుకు సిద్ధంగా ఉంది. కంపెనీ 2020లో 'బజాజ్ చేతక్ ఈవీ' స్కూటర్ను ప్రారంభించింది. కానీ ఆ సమయంలో ఈ స్కూటర్ సేల్స్ పెద్దగా లేవు. అయితే ఆ తర్వాత కంపెనీ కొత్త మోడల్స్ను తీసుకురావటంతో పాటు ధర తగ్గింపుల కారణంగా అమ్మకాలు ఒక్కసారిగా ఊపందుకున్నాయి. దీంతో ఈ స్కూటర్ దేశంలోనే అత్యధికంగా అమ్ముడవుతున్న మూడో ఎలక్ట్రిక్ స్కూటర్గా నిలిచింది.
ఈ నేపథ్యంలో కంపెనీ ఈవీ సెగ్మెంట్లో తన వ్యాపారాన్ని మరింత వేగంగా విస్తరించేందుకు కసరత్తు చేస్తోంది. ఈ క్రమంలో మంచి ప్రజాదరణ లభించిన దాని చేతక్ కొత్త వెర్షన్ను లాంఛ్ చేయాలని చూస్తోంది. డిసెంబర్ 20 నాటికి ఈ కొత్త చేతక్‌ను మార్కెట్లోకి తీసుకొచ్చేందుకు ఏర్పాట్లు చేస్తోంది.
ఈ చేతక్ కొత్త వెర్షన్ సరికొత్త ఫీచర్లతో ఆకర్షణీయమైన లుక్లో ఎంట్రీ ఇవ్వనుంది. ఫ్లోర్‌బోర్డ్‌ కింద బ్యాటరీ ప్యాక్‌ను ఉంచనున్నారు. దీంతో కార్గో స్పేస్‌ పెరగనుంది. ఈ స్కూటర్ సింగిల్‌ ఛార్జ్తో 123 కిలోమీటర్ల నుంచి 137 కిలోమీటర్ల రేంజ్‌ని ఇస్తుందని తెలుస్తోంది. కొత్త చేతక్‌లో తీసుకొచ్చిన మార్పుల కారణంగా ఎలక్ట్రిక్ స్కూటర్ హ్యాండ్లింగ్‌, రైడ్‌ క్వాలిటీ మరింత మెరుగ్గా ఉండనుంది.
ధర: ధర విషయానికొస్తే.. ప్రస్తుతం బజాజ్ చేతక్ ధరలు రూ.96,000-రూ.1,29,000(ఎక్స్‌- షోరూమ్‌)గా ఉన్నాయి. ఇక ఈ కొత్త ఈవీ ధర వీటి కంటే కాస్త ఎక్కువగా ఉండే అవకాశం ఉంది.
ఇదిలా ఉండగా.. ఎలక్ట్రిక్ టూ-వీలర్ సెగ్మెంట్లో దిగ్గజ కంపెనీల మధ్య పోటీ క్రమంగా పెరుగుతోంది. విద్యుత్ వాహనాల సేల్స్లో సంస్థలు క్రమంగా తమ మార్కెట్‌ వాటాను పెంచుకుంటున్నాయి. ఓలా, టీవీఎస్‌, ఏథర్‌ వంటి ప్రత్యర్థి సంస్థల నుంచి బజాజ్ ఎలక్ట్రిక్ స్కూటర్ గట్టి పోటీని ఎదుర్కొంటోంది. గతేడాదిలో చేతక్ విక్రయాలు ఊపందుకోవడంతో మార్కెట్లోకి మొదటి మూడు ప్లేయర్లలో ఒకటిగా నిలిచింది. దీంతో తన స్థానాన్ని మరింత మెరుగుపరుచుకోవాలనే ప్రయత్నంలో భాగంగా కంపెనీ.. చేతక్ కొత్త వెర్షన్ను తీసుకొస్తోంది.
న్యూ డిజైన్తో రియల్మీ కొత్త స్మార్ట్ఫోన్- బడ్జెట్ ధరలోనే అదిరిపోయే ఫీచర్లు!
కంపాక్ట్ సెడాన్ సెగ్మెంట్లో వీటికి తిరుగేలేదు.. అమేజ్ vs డిజైర్.. ఈ రెండింటిలో బెస్ట్ ఇదే..!
వాట్సాప్లో మరో ఇంట్రెస్టింగ్ ఫీచర్- ఇకపై గ్రూప్ చాట్లో నో కన్ఫ్యూజన్!
